Breaking News

ಉಚ್ಚಿಲ, ಕೈಕೋದಲ್ಲಿ ಹೆಚ್ಚಿದ ಸಮುದ್ರದ ಅಲೆಗಳ ಅಬ್ಬರ,  ಸಚಿವ ಯು. ಟಿ. ಖಾದರ್ ಭೇಟಿ, ಪರಿಶೀಲನೆ


ಉಳ್ಳಾಲದ ಸಮುದ್ರ ತೀರಗಳಲ್ಲಿ ಅಲೆಗಳ ಅಬ್ಬರ ಹೆಚ್ಚಿದ್ದು, ಕೈಕೋ ರಸ್ತೆ, ಕಿಲೇರಿಯ, ಉಚ್ಚಿಲ ಭಾಗದ ಮನೆಗಳಿಗೆ ಸಮುದ್ರದ ಅಲೆಗಳು ಅಪ್ಪಳಿಸಲು ಆರಂಭವಾಗಿದೆ.
ಮಳೆಗಾಲ ಆರಂಭವಾದರೆ ಸಮುದ್ರದ ಅಲೆಗಳ ಅಬ್ಬರ ಹೆಚ್ಚಿದರೆ, ಈ ಭಾರಿ ಮಳೆ ಆರಂಭವಾಗದೆ ಕೆಲ ಮನೆಗಳಿಗೆ ಸಮುದ್ರದ ಅಲೆಗಳು ಅಪ್ಪಳಿಸಲು ಆರಂಭವಾಗಿದೆ. ಕೈಕೋ ಭಾಗದಲ್ಲಿ ನಾಲ್ಕು ಮನೆಗಳು, ಕಿಲೇರಿಯಾನಗರ ಮತ್ತು ಉಚ್ಚಿಲ ಭಾಗದಲ್ಲಿ ಮತ್ತೆ ನಾಲ್ಕು ಮನೆಗಳಿಗೆ ಅಲೆಗಳು ಅಪ್ಪಳಿಸುತ್ತಿವೆ. ಮಧ್ಯಾಹ್ನ ವೇಳೆ ಸಮುದ್ರದಲ್ಲಿ ಏರಿಳಿತ ಉಂಟಾಗುವ ಸಂದರ್ಭ ಅಲೆಗಳು ಅಬ್ಬರ ಹೆಚ್ಚುತ್ತಿವೆ. ಇನ್ನೂ ಮಳೆ ಆರಂಭವಾಗದೆ ಸಮುದ್ರ ಅಪ್ಪಳಿಸಲು ಆರಂಭವಾಗಿರುವುದರಿಂದ ಸ್ಥಳದ ಮನೆಮಂದಿಗೆ ಆತಂಕದ ವಾತಾವರಣ ಮನೆ ಮಾಡಿದೆ.
ರಾತ್ರಿ ಮತ್ತು ಮಧ್ಯಾಹ್ನದ ವೇಳೆ ಮನೆಯ ಗೋಡೆ ಯಾವಾಗ ಉರುಳಿ ಬೀಳುತ್ತವೆ ಅನ್ನುವ ಭೀತಿಯಲ್ಲಿದ್ದಾರೆ. ಕೂಡಲೇ ತಾತ್ಕಾಲಿಕ ತಡೆಯನ್ನು ಸರಕಾರ ಒದಗಿಸಬೇಕಿದೆ ಅನ್ನುವ ಆಗ್ರಹ ಸ್ಥಳೀಯರದ್ದಾಗಿದೆ. ರೂ. ೨೫೦ ಕೋಟಿ ಅನುದಾನದಲ್ಲಿ ಸಮುದ್ರಕ್ಕೆ ಶಾಶ್ವತ ತಡೆಗೋಡೆ ಕಾiಗಾರಿ ಆರಂಭವಾಗಿದ್ದರೂ, ಉಚ್ಚಿಲ, ಸಿಗ್ರೌಂಡ್, ಸೋಮೇಶ್ವರ ಸಮುದ್ರ ತೀರವನ್ನು ಕಡೆಗಣಿಸಲಾಗಿದೆ. ಇದರಿಂದ ಮೊಗವೀರಪಟ್ನ, ಕೋಡಿ ಪ್ರದೇಶದಲ್ಲಿ ಹಾಕಿರುವ ಕಲ್ಲುಗಳಿಂದ ಸಮುದ್ರ ಈ ಕಡೆಯಲ್ಲಿ ಅಪ್ಪಳಿಸುತ್ತಿವೆ ಅನ್ನುವುದು ಕೈಕೋ ನಿವಾಸಿಗಳ ಆರೋಪವಾಗಿದೆ. ಸ್ಥಳಕ್ಕೆ ಸಚಿವ ಯು. ಟಿ. ಖಾದರ್ ಭೇಟಿ ನೀಡಿದ್ದು ಕೋಟೆಪುರ, ಮೊಗವೀರಪಟ್ನ, ಕೈಕೋ, ಹಿಲೆರಿಯಾನಗರ, ಸೋಮೇಶ್ವರದ ಭಾಗದಲ್ಲಿ ಕಡೆಲ್ಕೊರೆತ ತಡೆಗೆ ಶಾಶ್ವತ ಕಾಮಗಾರಿ ಆರಂಭವಾಗಿದೆ. ಸಂಪೂರ್ಣ ಕಾಮಗಾರಿ ಮುಗಿದಿಲ್ಲ. ಇದರಿಂದ ಅಲ್ಲಲ್ಲಿ ಕಡಲ್ಕೊರೆತ ಉಂಟಾಗುತ್ತಿದೆ. ಎಲ್ಲಿ ಸಮುದ್ರದ ಅಲೆಗಳು ಹೆಚ್ಚಾಗುತ್ತದೆ ಎಂದು ಹೇಳಲು ಅಸಾಧ್ಯ. ಈ ನಿಟ್ಟಿನಲ್ಲಿ ಸ್ಥಳೀಯರ ಅಭಿಪ್ರಾಯ ಪಡೆದುಕೊಳ್ಳಲು ಸೋಮವಾರ ಅಧಿಕಾರಿಗಳನ್ನು ಸ್ಥಳಕ್ಕೆ ಕಳುಹಿಸಿ ಸಭೆ ನಡೆಸಲು ಸೂಚಿಸುವುದಾಗಿ ತಿಳಿಸಿದ್ದಾರೆ. ಶಾಶ್ವತ ಪರಿಹಾರ ನೀಡಿ ಕಡಲ್ಕೋರತ ಸಮಸ್ಯೆಗೆ ವಿರಾಮ ಹಾಕದಿದ್ದರೆ ಇಲ್ಲಿನ ಜನರ ಜೀವನ ಅಸ್ತವ್ಯಸ್ತ ಅಗೊದಂತು ನಿಜ.

Related posts

Leave a Reply