Breaking News

ಗಣೇಶ್‌ಪುರ ೩ನೇ ಬ್ಲಾಕ್‌ನಲ್ಲಿ ಮನೆಗಳಿಗೆ ನುಗ್ಗುತ್ತಿರುವ ಮಳೆ ನೀರು, ದೂರು ನೀಡಿದರೂ ಗಮನ ಹರಿಸದ ಕಾರ್ಪೊರೇಶನ್


ಕಾಟಿಪಳ್ಳದ ಗಣೇಶ್‌ಪುರ ಮೂರನೇ ಬ್ಲಾಕ್‌ನಲ್ಲಿ ಮಳೆ ನೀರು ಹರಿದು ಹೋಗಲು ಸರಿಯಾದ ತೋಡಿನ ವ್ಯವಸ್ಥೆ ಇಲ್ಲದೆ ಅಲ್ಲಿನ ಮನೆಗಳಿಗೆ ನೀರು ನುಗ್ಗಿ ಜನ ಅತಂತ್ರ ಸ್ಥಿತಿಯಲ್ಲಿದ್ದಾರೆ.
ಮಳೆಗಾಲದ ಆರಂಭವಾಯಿತು ಎನ್ನವಾಗ ಸಮಸ್ಯೆಗಳ ಸರಮಾಲೆ ನಮ್ಮ ಮುಂದೆ ಬರುತ್ತದೆ. ಅಂತಹದೇ ಸಮಸ್ಯೆ ಗಣೇಶ್‌ಪುರ ಮೂರನೇ ಬ್ಲಾಕ್‌ನಲ್ಲಿ ಕಂಡು ಬಂದಿದೆ. ಮೂರು ದಿನಗಳಿಂದ ಸುರಿಯುತ್ತಿರುವ ಮಳೆಯಿಂದಾಗಿ ಗಣೇಶ್‌ಪುರದ ಪರಿಸರದಲ್ಲಿ ಮಳೆ ನೀರು ಹೋಗಲು ಸರಿಯಾದ ವ್ಯವಸ್ಥೆ ಇಲ್ಲದೆ ಮನೆಗಳಿಗೆ ನುಗ್ಗಿ ಅತಂತ್ರ ಸ್ಥಿತಿ ನಿರ್ಮಾಣವಾಗಿದೆ.
ಈ ಬಗ್ಗೆ ಡಾ. ಕವಿತಾ ಅವರು ಮಾತನಾಡಿ, ಕಳೆದ ೪ ವರ್ಷದಿಂದಲೂ ಮಳೆಗಾಲದಲ್ಲಿ ಈ ರೀತಿಯ ಸಮಸ್ಯೆ ಉಂಟಾಗುತ್ತಿದೆ. ಇಲ್ಲಿಯ ಕಾರ್ಪೊರೇಟರ್ ಬಸೀರ್ ಅಹಮದ್‌ಗೆ ದೂರು ನೀಡಿದರೂ ಸ್ಪಂದಿಸಿಲ್ಲ ಎಂದು ಹೇಳಿದರು. ಕಳೆದ ೪ ವರ್ಷದಿಂದ ಗಣೇಶ್‌ಪುರದ ಮೂರನೇ ಬ್ಲಾಕ್‌ನಲ್ಲಿ ಸಮರ್ಪಕವಾಗಿಲ್ಲದ ತೋಡಿನಿಂದ ಸ್ಥಳೀಯರು ತೀವ್ರ ಸಮಸ್ಯೆಗೆ ಒಳಗಾಗಿದ್ದಾರೆ. ಇನ್ನಾದರೂ ಈ ಸಮಸ್ಯೆಯನ್ನು ಸಂಬಂಧಪಟ್ಟ ಅಧಿಕಾರಿಗಳು ಪರಿಹರಿಸುವರೇ ಎಂದು ಕಾದು ನೋಡಬೇಕಾಗಿದೆ.

Related posts

Leave a Reply