Header Ads
Breaking News

ಗಬ್ಬೆದ್ದು ನಾರುತ್ತಿರುವ ಮಂಜೇಶ್ವರ ಪರಿಸರ : ತ್ಯಾಜ್ಯ ವಿಲೇವಾರಿಗೊಳಿಸಿದ ನೂತನ ಆಡಳಿತ ಸಮಿತಿ

ಮಂಜೇಶ್ವರ : ಯುಡಿಎಫ್ ಆಡಳಿತಾವಧಿಯಲ್ಲಿ ತ್ಯಾಜ್ಯ ವಿಲೇವಾರಿಗೊಳ್ಳದೆ ಇರುವ ಹಿನ್ನೆಲೆಯಲ್ಲಿ ಮಂಜೇಶ್ವರದ ಪ್ರಮುಖ ರಸ್ತೆ ಬದಿ ಸಾರ್ವಜನಿಕ ಸ್ಥಳಗಳಲ್ಲೂ ಗಬ್ಬೆದ್ದು ನಾರುತ್ತಿರುವ ತ್ಯಾಜ್ಯ ಗ್ರಾಮಸ್ಥರಿಗೆ ಶಾಪವಾಗಿ ಪರಿಣಮಿಸುವುದರ ಜೊತೆಯಾಗಿ ಕೊರೊನಾ ಭೀತಿಯ ಮಧ್ಯೆ ಸಾಂಕ್ರಾಮಿಕ ಭೀತಿಯನ್ನು ಕೂಡಾ ಎದುರಿಸುವಂತಾಗಿದೆ.

ಈ ಹಿನ್ನೆಲೆಯಲ್ಲಿ ಮಾಲಿನ್ಯ ನಿಯಂತ್ರಣ ಮಂಡಳಿ ಮಂಜೇಶ್ವರ ಗ್ರಾ. ಪಂ. ಗೆ 7.5 ಲಕ್ಷ ರೂ . ದಂಡವನ್ನು ವಿಧಿಸಿತ್ತು. ಇದು ಭಾರೀ ಚರ್ಚೆಗೂ ಗ್ರಾಸವಾಗಿತ್ತು. ಕಳೆದ ಸಲದ ಆಡಳಿತಾವಧಿಯ ಜನಪ್ರತಿನಿಧಿಗಳೇ ಈ ವೆಚ್ಚವನ್ನು ಭರಿಸಬೇಕೆಂಬ ಪ್ರಬಲವಾದ ಧ್ವನಿ ಸಾರ್ವಜನಿಕ ವಲಯದಿಂದ ಕೇಳಿ ಬರುತಿತ್ತು. ಆದರೆ ನೂತನವಾಗಿ ಆಡಳಿತಕ್ಕೇರಿದ ಸ್ವತಂತ್ರ ಅಭ್ಯರ್ಥಿ ಜೀನ್ ಲವಿನ ಮೊಂತೇರೋ ಅಧ್ಯಕ್ಷೆಯಾದ ಆಡಳಿತ ಸಮಿತಿ ತುರ್ತು ಸಭೆ ಸೇರಿ ಜನಸಾಮಾನ್ಯರು ಕಟ್ಟುತ್ತಿರುವ ತೆರಿಗೆಯ ಹಣ ಈ ರೀತಿ ಪೆÇೀಲಾಗಬಾರದೆಂಬ ಉದ್ದೇಶದಿಂದ ಶೀಘ್ರವೇ ತ್ಯಾಜ್ಯ ವಿಲೇವಾರಿಗೊಂದು ಪರ್ಯಾಯ ವ್ಯವಸ್ಥೆಯನ್ನು ರೂಪಿಸಿ ರಂಗಕ್ಕಿಳಿಯಿತು.
ರಾಜಕೀಯ ದುರುದ್ದೇಶದಿಂದ ಕೆಲವೊಂದು ಮಂದಿಯ ಒತ್ತಡದ ಮೇರೆಗೆ ಐದನೇ ವಾರ್ಡಿನ ಸದಸ್ಯನ ನೇತೃತ್ವದಲ್ಲಿ ವಿಲೇವಾರಿಗೆ ತಂಡವೊಂದು ತಡೆಯೊಡ್ಡಿದರೂ ಅದನ್ನು ಲೆಕ್ಕಿಸದೆ ಪಂ. ಅಧ್ಯಕ್ಷೆ ಇಟ್ಟ ಹೆಜ್ಜೆಯನ್ನು ಹಿಂದಕ್ಕಿಡದೆ ಪೊಲೀಸರ ಸಹಾಯದೊಂದಿಗೆ ಆರನೇ ವಾರ್ಡಿನಲ್ಲಿ ಪಂ. ಖರೀದಿಸಿದ ಸ್ಥಳದಲ್ಲೇ ತ್ಯಾಜ್ಯ ಸಂಸ್ಕರಣೆ ನಡೆಸಿದ್ದಾರೆ. ನಾಡಿನ ಜನತೆಯ ಹಿತ ದೃಷ್ಟಿಯಿಂದ ಯಾರಿಗೂ ತೊಂದರೆ ಬಾರದ ರೀತಿಯಲ್ಲಿ ಮಾಲಿನ್ಯ ಸಂಸ್ಕರಣೆಗೆ ಪರ್ಯಾಯ ವ್ಯವಸ್ಥೆಯನ್ನು ಕಲ್ಪಿಸಿ ಸಂಪೂರ್ಣವಾಗಿ ಮಾಲಿನ್ಯ ಮುಕ್ತ ಮಂಜೇಶ್ವರವನ್ನಾಗಿ ಮಾಡಲು ಪ್ರಯತ್ನಿಸುವುದಾಗಿ ಮಾಧ್ಯಮಗಳಿಗೆ ಹೇಳಿಕೆಯನ್ನು ನೀಡಿರುವ ಮಂಜೇಶ್ವರ ಗ್ರಾ. ಪಂ. ಸದಸ್ಯೆ ಇದಕ್ಕೆ ಮಂಜೇಶ್ವರ ಜನತೆಯ ಸಂಪೂರ್ಣ ಸಹಕಾರವನ್ನು ಕೂಡಾ ಕೋರಿದ್ದಾರೆ.ತ್ಯಾಜ್ಯ ವಿಲೇವಾರಿ ಸಂದರ್ಭ ಪಂ. ಅಧ್ಯಕ್ಷ ಜೊತೆಯಾಗಿ ಬಿಜೆಪಿ, ಎಸ್ ಡಿಪಿಐ, ಸ್ವತಂತ್ರ ಸದಸ್ಯರುಗಳು ಹಾಗೂ ಮಾಜಿ ಅಧ್ಯಕ್ಷೆ ಮುಶ್ರತ್ ಜಹಾನ್ ಹಾಗೂ ಉಪಾಧ್ಯಕ್ಷ ಸಿದ್ದೀಖ್ ಮೊದಲಾದವರು ನೇತೃತ್ವ ನೀಡಿದ್ದರು.

Related posts

Leave a Reply

Your email address will not be published. Required fields are marked *