Header Ads
Breaking News

ಚುನಾವಣೆ ಬಂದಾಗ ಮಾತ್ರ ಬಿಜೆಪಿ, ಕಾಂಗ್ರೆಸ್‌ಗೆ ಬಡವರ ನೆನಪು : ಎಸ್‌ಡಿಪಿಐ ಅಭ್ಯರ್ಥಿ ಇಲ್ಯಾಸ್ ಮಹಮ್ಮದ್ ತುಂಬೆ

ಕಾಂಗ್ರೆಸ್ ಮತ್ತು ಬಿಜೆಪಿ ಪಕ್ಷಗಳ ನೀತಿಗಳಲ್ಲಿ ವ್ಯತ್ಯಾಸಗಳಿಲ್ಲ. ಚುನಾವಣೆ ಬಂದಾಗ ಮಾತ್ರ ಬಡವರ ಮತ್ತು ಗ್ರಾಮಗಳ ನೆನಪಾಗುತ್ತದೆ. ಇಂತವರಿಂದ ಅಭಿವೃದ್ದಿ ಹೇಗೆ ಸಾಧ್ಯ. ಶೋಷಿತ ಸಮಾಜದ ಒಳಿತಿಗಾಗಿ ಎಸ್‌ಡಿಪಿಐ ಪಕ್ಷವನ್ನು ಬೆಂಬಲಿಸಿ ಎಂದು ಎಸ್‌ಡಿಪಿಐ ಪಕ್ಷದ ಲೋಕಸಭಾ ಕ್ಷೇತ್ರದ ಅಭ್ಯರ್ಥಿ ಇಲ್ಯಾಸ್ ಮಹಮ್ಮದ್ ತುಂಬೆ ಹೇಳಿದರು.

ಅವರು ಸುಳ್ಯದಲ್ಲಿ ಎಸ್‌ಡಿಪಿಐ ಪಕ್ಷದ ಬೃಹತ್ ಪಾದಯಾತ್ರೆ ಮತ್ತು ಸಾರ್ವಜನಿಕ ಸಭೆಯನ್ನು ಉದ್ದೇಶಿಸಿ ಮಾತನಾಡಿ ಬ್ರಿಟಿಷರ ಕಾಲದಲ್ಲಿ ಇಲ್ಲಿನ ಆಡಳಿತ ಯಾವ ರೀತಿ ಇತ್ತು ಅದೇ ರೀತಿಯ ಆಡಳಿತವನ್ನು ಬಿಜೆಪಿ ಮಾಡುತ್ತಿದೆ. ಜನರ ಮಧ್ಯೆ ಐಕ್ಯತೆ ತರುವುದರಲ್ಲಿ ವಿಫಲವಾಗಿದೆ. ವಿಜೆಪಿ ಅಧಿಕಾರಕ್ಕೆ ಬಂದರೆ ದೇಶಕ್ಕೆ ಗಂಡಂತರ ಸೃಷ್ಟಿಯಾಗಲಿದೆ ಎಂದ ಅವರು ಮೋದಿಯವರು ಪ್ರಧಾನಿಯಾದ ಬಳಿಕ ದೇಶದ ಆರ್ಥಿಕ ಸ್ಥಿತಿ ಚಿಂತಾಜನಕವಾಗಿದೆ. ಅವರು ದೇಶದ ಚೌಕಿದಾರ್ ಅಲ್ಲ. ಅವರೊಬ್ಬ ದೇಶದ ಕೊಳ್ಳೆ ಹೊಡೆದ ಡಕಾಯಿತ. ಅವರಿಗೆ ಪುಲ್ವಾಮದಲ್ಲಿ ಉಗ್ರಗಾಮಿಗಳು ಧಾಳಿ ಮಾಡಿ ಸೈನಿಕರನ್ನು ಕೊಂದಾಗ ದೇಶದ ಚೌಕಿದಾರ ಎಲ್ಲಿದ್ದರು. ನೀರವ್ ಮೋದಿ ಕೋಟಿಗಟ್ಟಲೆ ಹಣ ತಿಂದು ವಿದೇಶಕ್ಕೆ ಪಲಾಯಾನ ಮಾಡುವಾಗ ಚೌಕಿದಾರ್‌ಗೆ ಗೊತ್ತೆ ಇಲ್ಲ ಎಂದು ಹೇಳಿದರು.

ಎಸ್‌ಡಿಪಿಐ ರಾಜ್ಯ ಮುಖಂಡ ಶಾಫಿ ಬೆಳ್ಳಾರೆ ಮಾತನಾಡಿ ದೇಶದಲ್ಲಿ ಜನರು ಬಿಜೆಪಿಯನ್ನು ತಿರಸ್ಕರಿಸಿದ್ದಾರೆ. ಇಂತಹ ಪರಿಸ್ಥಿತಿಯಲ್ಲಿ ಬಿಜೆಪಿಗೆ ರಾಮಮಂದಿರದ ನೆನಪು ಆಗಿದೆ. ಬದಲಾಗಿ ಬೆಂಕಿ ಕೊಡುವ ಕೈಗಳನ್ನು ತಡೆಯುವ ಕೆಲಸ ಮಾಡುತ್ತೇವೆ ಎಂದು ಹೇಳಿದರು.

ಸಮಾರಂಭದಲ್ಲಿ ಎಸ್‌ಡಿಪಿಐ ರಾಷ್ಟ್ರೀಯ ಸಮಿತಿ ಸದಸ್ಯ ಜಾಬೀರ್ ಹಿರಿಯಡ್ಕ, ಜಿಲ್ಲಾ ಅಧ್ಯಕ್ಷ ಆನಂದ ಮಿತ್ತಬೈಲು, ಸುಳ್ಯ ವಿಧಾನಸಭಾ ಕ್ಷೇತ್ರದ ಅಧ್ಯಕ್ಷ ರಫೀಕ್ ಸವಣೂರು, ಮುಖಂಡರಾದ ಅಬ್ದುಲ್ ಕಲಾಂ, ಅಬ್ದುಲ್ ಲತೀಫ್ ಪುತ್ತೂರು, ಮಜೀದ್ ಖಾನ್, ಇಕ್ಬಾಲ್ ಬೆಳ್ಳರೆ, ಮಮ್ಮಾಲಿ ಬೆಳ್ಳಾರೆ, ಮೊದಲಾದವರು ಉಪಸ್ಥಿತರಿದ್ದರು.

Related posts

Leave a Reply

Your email address will not be published. Required fields are marked *