Breaking News

ಜಿ‌ಎಸ್‌ಟಿಯಿಂದ ಬೀಡಿ ಮೇಲೆ ಹೆಚ್ಚಿನ ಹೊರೆ, ಕರಾವಳಿ ಬೀಡಿ ಕಾರ್ಮಿಕರ ಮೇಲೆ ದುಷ್ಪರಿಣಾಮ

ರಾಜ್ಯದ ಕರಾವಳಿ ಜಿಲ್ಲೆಗಳಾದ ದಕ್ಷಿಣ ಕನ್ನಡ ಮತ್ತು ಉಡುಪಿಯ ಸಾಂಪ್ರದಾಯಿಕ ಬೀಡಿ ಉದ್ಯಮಕ್ಕೆ ಸರಕು ಮತ್ತು ಸೇವಾ ತೆರಿಗೆ ಕಂಟಕವಾಗಿ ಪರಿಣಮಿಸಲಿದೆ ಎನ್ನುವ ಆತಂಕ ವ್ಯಕ್ತವಾಗುತ್ತಿದೆ.
ಅವಸಾನದ ಅಂಚಿನಲ್ಲಿರುವ ಈ?ಉದ್ಯಮಕ್ಕೆ ಜಿ‌ಎಸ್ಟಿ ಶಾಶ್ವತ ಬೀಗ ಹಾಕಲಿದೆ ಎನ್ನುವ ಮಾತು ಕಾರ್ಮಿಕರಿಂದ ಕೇಳಿ ಬರುತ್ತಿದೆ. ಜುಲೈ ೧ರಿಂದ ಜಿ‌ಎಸ್ಟಿ ಜಾರಿಗೆ ಬರಲಿದ್ದು, ಬೀಡಿಗೆ ಶೇ. ೨೮ರಷ್ಟು ತೆರಿಗೆ ನಿಗದಿಪಡಿಸಲಾಗಿದೆ. ತೆಂಡು ಎಲೆಗೆ ಶೇ. ೧೮ ಹಾಗೂ ತಂಬಾಕಿಗೆ ಶೇ. ೧೨ರಷ್ಟು ತೆರಿಗೆ ಬೀಳಲಿದೆ. ಹೀಗಾಗಿ ಜುಲೈ ೧ರ ಬಳಿಕ ಬೀಡಿ ದರದಲ್ಲಿ ರೂ. ೪ರಿಂದ ೫ರಷ್ಟು ಹೆಚ್ಚಳವಾಗಲಿದೆ.
ಒಂದು ಕೆ.ಜಿ. ತೆಂಡು ಎಲೆಯಿಂದ ೨,೦೦೦ ಬೀಡಿಗಳನ್ನು ಕಟ್ಟಲು ಸಾಧ್ಯವಾಗುತ್ತದೆ. ಬೀಡಿ ಕಟ್ಟಿದವರಿಗೆ ಒಂದು ಸಾವಿರಕ್ಕೆ ರೂ. ೧೭೦.೦೨ ಮಜೂರಿ, ರೂ. ೧೬.೪೩ ಬೋನಸ್ ಹಾಗೂ?ಶೇ. ೧೦ರಷ್ಟು ಭವಿಷ್ಯ ನಿಧಿಯನ್ನು ಕಂಪೆನಿಯ ಮಾಲೀಕರು ಪಾವತಿಸಬೇಕು. ಇದೆಲ್ಲವನ್ನು ಸರಿದೂಗಿಸಲು ಒಂದು ಕಟ್ಟು ೨೫ ಬೀಡಿಯನ್ನು ರೂ. ೧೮ ದರದಲ್ಲಿ ಮಾರಾಟ ಮಾಡಲಾಗುತ್ತಿದೆ. ಜಿ‌ಎಸ್ಟಿ ಜಾರಿಯಾದ ಬಳಿಕ ಹೆಚ್ಚಾಗುವ ಆರ್ಥಿಕ ಹೊರೆಯಿಂದಾಗಿ ಬೀಡಿ ಬೆಲೆ ಹೆಚ್ಚಿಸುವುದು ಅನಿವಾರ್ಯವಾಗಲಿದೆ ಎಂದು ಹೆಸರು ಬಹಿರಂಗಪಡಿಸಲು ಇಚ್ಛಿಸದ ಬೀಡಿ ಉದ್ಯಮಿಯೊಬ್ಬರು ತಿಳಿಸಿದರು. ಒಂದು ಕೆ.ಜಿ. ತೆಂಡು ಎಲೆಯ ದರವು ರೂ. ೨೪೦ರಿಂದ ರೂ. ೩೪೦ಕ್ಕೆ ಹೆಚ್ಚಳವಾಗಿದೆ. ಜಿ‌ಎಸ್ಟಿಯ ಪರಿಣಾಮ ಈ?ಬೆಲೆ ರೂ ೪೦೦ಕ್ಕೆ ಏರಲಿದೆ. ಜತೆಗೆ ತಂಬಾಕು ಸಹ ದುಬಾರಿ ಆಗಲಿದೆ.
ಬೀಡಿ ಕಟ್ಟುವುದು ದಕ್ಷಿಣ ಕನ್ನಡ, ಉಡುಪಿ, ಕಾಸರಗೋಡು ಸೇರಿದಂತೆ ಕರಾವಳಿ ಜಿಲ್ಲೆಯ ಪ್ರಮುಖ ವಾಣಿಜ್ಯ ಚಟುವಟಿಕೆ. ಈ ಭಾಗದ ಆರ್ಥಿಕ ಪ್ರಗತಿಗೆ ಬೀಡಿ ಹಾಗೂ?ಮೀನುಗಾರಿಕೆಯ ಪಾಲು ಹೆಚ್ಚಾಗಿದೆ. ಈ ಭಾಗದ ಸುಮಾರು ೨.೫ ಲಕ್ಷ ಕಾರ್ಮಿಕರು ಬೀಡಿ ಉದ್ಯಮದಲ್ಲಿ ದುಡಿಯುತ್ತಿದ್ದಾರೆ. ಸರ್ಕಾರಗಳು ಇಂತಹ ನಿರ್ಧಾರ ತೆಗೆದುಕೊಳ್ಳುವ ಮುನ್ನ, ಕಾರ್ಮಿಕರಿಗೆ ಪರ್ಯಾಯ ಉದ್ಯೋಗ ಕಲ್ಪಿಸುವ ವ್ಯವಸ್ಥೆ ಮಾಡಬೇಕು ಎನ್ನುವುದು ಕಾರ್ಮಿಕರ ಒತ್ತಾಯವಾಗಿದೆ.

Related posts

Leave a Reply