Breaking News

ನಾಗರಿಕತೆಯಡಿ ಅನಾದರದಡಿ, ಕಾಡಿನ ಕೊಡುಗೆ ಬುಕ್ಕಿ ಹಣ್ಣು


ಒಂದು ಕಾಲದಲ್ಲಿ ಜನ ಮತ್ತು ಪ್ರಾಣಿಗಳ ಆಹಾರದಲ್ಲಿ ಪ್ರಮುಖ ಗುಡ್ಡಗಾಡು ಕೊಡುಗೆ ಪಾತ್ರ ವಹಿಸಿತ್ತು; ಇಂದು ಅವು ತಮ್ಮ ಪಾಡಿಗೆ ಉಳಿದಿವೆ.
ಗುಡ್ಡಗಾಡು ಕೊಡುಗೆಗಳಲ್ಲಿ ಬುಕ್ಕಿ ಪರ್ಂದ್ ಇಲ್ಲವೇ ಹಣ್ಣು ಕೂಡ ಒಂದು. ಇಂದಿನ ಬ್ರಹ್ಮಾವರ ಕೃಷಿ ಕೇಂದ್ರ ಪೇರೂರು ಗ್ರಾಮದ ನೇಲ ಪಾಡಿ ಎಂದರೆ ದೊಡ್ಡ ಕಾಡು ಆಗಿತ್ತು ಅದರ ಒಂದು ಭಾಗ ಬುಕ್ಕಿ ಗುಡ್ಡೆ ಎಂದೇ ಕರೆಯಲ್ಪಡುತ್ತಿತ್ತು. ಅದೀಗ ಅಧ್ಯಯನ ನೆಲವೆನಿಸಿದೆ. ಆದರೂ ಪೇರೂರು ಸಹಿತ ಉಡುಪಿ ಸುತ್ತ ಬೆಳೆವ ಗುಡ್ಡಗಾಡು ಬೆಳೆಗಳಲ್ಲಿ ಬುಕ್ಕಿ ಕೂಡ ಒಂದು. ಇದು ಪೊದೆ ಗಿಡ. ಹಿಂದಿನ ಕಾಲದಲ್ಲಿ ಮೇವಿಗೆ ಮತ್ತು ನೆಡುವ ಕೆಸರು ಗದ್ದೆಯಲ್ಲಿ ಮುಳುಗಿಸಿ ಕೊಳೆಸಲು ಇದರ ತುದಿ ಕತ್ತರಿಸುತ್ತಿದ್ದರು. ಎಲೆ ಸಣ್ಣದು ದೊರಗಾಗಿ ದಪ್ಪಗಿರುತ್ತದೆ. ಇದರ ಕಾಯನ್ನು ಗುಡ್ದದ ಪೇರಳೆ ಎನ್ನಬಹುದು. ಸಿಪ್ಪೆಯ ಒಳಗೆ ತುಸು ಗಟ್ಟಿ ಆವರಣವಿದ್ದು ಅದರೊಳಗೆ ತಿನ್ನುವ ಭಾಗವಿದೆ. ಬೀಜಭರಿತ ಇದು ಹಣ್ಣಾದಾಗ ತಿನ್ನಬಹುದಾದ ಹಣ್ಣು. ತುಸು ಗಟ್ಟಿ ದೋರೆ ಪೇರಳೆ ಹಣ್ಣು ತಿನ್ನುವುದನ್ನು ನೆನಪಿಸುತ್ತದೆ. ಇದು ಒಂದು ಕಾಲದಲ್ಲಿ ನರಿಗಳ ಪ್ರಿಯ ಹಣ್ಣು. ಆದರೆ ಪೇರೂರು ಕಾಡು ಕೃಷಿ ಕೇಂದ್ರವಾದ ಹುಲಿ ಬಿಡಿ ನರಿ ಕೂಡ ಇಲ್ಲದಿರುವುದು ಈ ಗಿಡಗಳನ್ನು ಅನಾಥ ಮಾಡಿವೆ. ಕೆಲವು ಹಕ್ಕಿಗಳು, ಮನುಷ್ಯರು ರುಚಿ ನೋಡುವುದಿದೆಯಾದರೂ ಹಿಂದಿನ ಕಾಲದಂತೆ ಇಷ್ಟ ಪಟ್ಟು ತಿನ್ನುವವರು ಕಡಿಮೆ. ಹಾಗೇ ಒಣಗಿ ಹೋಗುತ್ತವೆ. ಇದರ ಹೂವು ಮಲ್ಲಿಗೆ ಹೂವಿನಂತೆಯೇ ಇದ್ದರೂ ಅದಕ್ಕಿಂತ ಮೂರು ಪಟ್ಟು ದೊಡ್ಡದು ಮತ್ತು ದಪ್ಪ ದಳದ್ದು. ಕಾಯಿಯು ಬಾದಾಮಿ ಕಾಯಿಯನ್ನು ಹೋಲುತ್ತದೆ. ಹಸಿರು ಬಣ್ಣದಲ್ಲಿವೆ, ಹಣ್ಣಾದಾಗ ಹೊರ ಭಾಗವು ಮಾಸಲು ಹಳದಿಯಾಗುತ್ತವೆ.

Related posts

Leave a Reply