Header Ads
Breaking News

ಪುತ್ತೂರು ಕೆ.ಎಸ್.ಆರ್.ಟಿ.ಸಿ ವಿಭಾಗದಿಂದ ಬಸ್ ಸಂಚಾರ ಆರಂಭ

ಪುತ್ತೂರು: ರಾಜ್ಯದಲ್ಲಿ ಮೇ 18ರಿಂದ 4ನೇ ಹಂತದ ಲಾಕ್‍ಡೌನ್ ಜಾರಿಯಲ್ಲಿದ್ದರೂ ಜನರ ಓಡಾಟಕ್ಕಾಗಿ ಕೆ.ಎಸ್.ಆರ್.ಟಿ.ಸಿ ಬಸ್‍ಗಳ ಓಡಾಟಕ್ಕೆ ಅನುಮತಿ ನೀಡಲಾಗಿದ್ದ ಹಿನ್ನೆಲೆಯಲ್ಲಿ ಮೇ 19ರಂದು ಪುತ್ತೂರು ಕೆ.ಎಸ್.ಆರ್.ಟಿ.ಸಿ ವಿಭಾಗೀಯ ಘಟಕದಿಂದ ಬಸ್‍ಗಳ ಬೇಡಿಕೆಗಳಿಗೆ ಅನುಗುಣವಾಗಿ ಸುಳ್ಯ, ಉಪ್ಪಿನಂಗಡಿ, ಮಂಗಳೂರು ಕಡೆಗಳಿಗೆ ಆರಂಭದ ಬಸ್‍ಗಳು ಹೊರಟಿದ್ದು, ಮೊದಲ ಪ್ರಯಾಣ ಉಪ್ಪಿನಂಗಡಿಗೆ ಬಸ್ ತೆರಳಿದೆ.

ಬಸ್‍ಗಳ ಓಡಾಟಕ್ಕೆ ಅನುಮತಿಗೆ ಸಂಬಂಧಿಸಿ ಒಂದು ಬಸ್‍ನಲ್ಲಿ ಕೇವಲ 30 ಜನರಿಗೆ ಪ್ರಯಾಣ ಮಾಡುವ ಅವಕಾಶ ನೀಡಲಾಗಿದೆ. ಬಸ್‍ನಲ್ಲಿ ಪ್ರಯಾಣಿಸುವವರು ಮಾಸ್ಕ್ ಧರಿಸಬೇಕು ಎಂಬ ನಿಬಂದನೆಗೊಳಪಟ್ಟು ಬಸ್‍ಗಳ ಓಡಾಟ ಆರಂಭಗೊಂಡಿದೆ. ಪುತ್ತೂರು ಕೆ.ಎಸ್.ಆರ್.ಟಿ.ಸಿ ಬಸ್‍ನಿಲ್ದಾಣದಲ್ಲಿ ಪ್ರಯಾಣಿಕರು ಪ್ಲಾಟ್ ಫಾರ್ಮ್ ಒಳಗಡೆ ಹೋಗುವ ಮುಂದೆ ಅವರನ್ನು ಹೊರಗೆ ಥರ್ಮಲ್ ಸ್ಕ್ರೀನಿಂಗ್ ಮಾಡಿ ಅವರ ಹೆಸರು ವಿಳಾಸ ಮೊಬೈಲ್ ನಂಬರ್ ಪಡೆದು ಅವರು ತಲುಪಬೇಕಾದ ಸ್ಥಳ ಮತ್ತು ಟಿಕೇಟ್ ಮಾಡಿಸಿಯೇ ಪ್ಲಾಟ್ ಫಾರ್ಮ್‍ಗೆ ಎಂಟ್ರಿ ಕೊಡಲಾಗುತ್ತಿದೆ. ಪ್ಲಾಟ್ ಫಾರ್ಮ್ ಒಳಗಡೆ ಕೂಡಾ ಸಾಮಾಜಿಕ ಅಂತರ ಕಾಯ್ದು ಕೊಂಡು ಪ್ರಯಾಣಿಕರು ಕುಳಿತು ಕೊಳ್ಳಬೇಕೆಂದು ಆಗಾಗ ಸಂದೇಶ ನೀಡಲಾಗುತ್ತಿದೆ. ಪ್ಲಾಟ್‍ಫಾರ್ಮ್ ಸುತ್ತ ಬಂದೋಬಸ್ತ್ ಮಾಡಿದ್ದು, ಅನ್ಯ ಯಾರೂ ಒಳಗಡೆ ಪ್ರವೇಶವಿಲ್ಲ. ಸೂಚಿಸಿದ ಸ್ಥಳದಿಂದಲೇ ಪ್ರಯಾಣಿಕರು ಪ್ಲಾಟ್‍ಫಾರ್ಮ್ ಒಳಗಡೆ ಹೋಗಬೇಕು. ಈ ಎಲ್ಲಾ ವ್ಯವಸ್ಥೆಗಳ ನಡುವೆ ಬೆರಳೆಣಿಕೆಯ ಪ್ರಯಾಣಿಕರು ಮಾತ್ರ ಬಸ್‍ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಪುತ್ತೂರು ಸ್ಟೇಟ್ ಬ್ಯಾಂಕ್, ಪುತ್ತೂರು ಉಪ್ಪಿನಂಗಡಿ, ಪುತ್ತೂರು ಸುಳ್ಯ, ಸುಳ್ಯ ಮಡಿಕೇರಿಗೆ ಈಗಾಗಲೇ ಬಸ್ ಸಂಚಾರ ಆರಂಭಿಸಲಾಗಿದೆ. ಉಳಿದಂತೆ ಪ್ರಯಾಣಿಕರ ಬೇಡಿಕೆ ನೋಡಿಕೊಂಡು ಬಸ್ ಸಂಚಾರ ಆರಂಭಗೊಳ್ಳಲಿದೆ. ಬೆಂಗಳೂರಿಗೂ ಒಂದು ಬಸ್ ಬುಕ್ಕಾಗಿದೆ. ಜೊತೆಗೆ ಇನ್ನೂ ಬೇಡಿಕೆ ಇದ್ದಲ್ಲಿ ಬೆಂಗಳೂರಿಗೆ ಇನ್ನೆರಡು ಬಸ್‍ಗಳನ್ನು ಕಳುಹಿಸಲಾಗುವುದು. ಆದರೆ ಬೆಳಿಗ್ಗೆ ಗಂಟೆ 10 ರ ಒಳಗಾಗಿ ಬೆಂಗಳೂರಿಗೆ ಬಸ್ ಕಳುಹಿಸಬೇಕಾಗುತ್ತದೆ.ನಾಗೇಂದ್ರ, ವಿಭಾಗೀಯ ನಿಯಂತ್ರಣಾಧಿಕಾರಿ. ಕೆ.ಎಸ್.ಆರ್.ಟಿ.ಸಿ ಪುತ್ತೂರು.

Related posts

Leave a Reply

Your email address will not be published. Required fields are marked *