Header Ads
Breaking News

ಮಂಗಳೂರಿನ ನೆಹರೂ ಮೈದಾನದಲ್ಲಿ ಫುಟ್ಬಾಲ್ ಪಂದ್ಯಾಟ

ದ.ಕ.ಜಿಲ್ಲಾ ಫುಟ್ಬಾಲ್ ಅಸೋಸಿಯೇಶನ್‍ನ ಆಶ್ರಯದಲ್ಲಿ ದಿ. ಅಹ್ಮದ್ ಮಾಸ್ಟರ್ ಸ್ಮಾರಕ ಎ ಡಿವಿಜನ್ ಪಂದ್ಯಾವಳಿ ಮತ್ತು ದಿ. ಪಲ್ಲಿ ಜಯರಾಮ್ ಶೆಟ್ಟಿ ಮೆಮೋರಿಯಲ್ ಬಿ ಡಿವಿಜನ್ ಪಂದ್ಯಾವಳಿಯು ನಗರದ ನೆಹರೂ ಮೈದಾನದಲ್ಲಿ ನಡೆಯಿತು.

ಪಂದ್ಯಾಟದಲ್ಲಿ ದಿ. ಅಹ್ಮದ್ ಮಾಸ್ಟರ್ ಸ್ಮಾರಕ ಎ ಡಿವಿಜನ್ ಪಂದ್ಯಾವಳಿಯಲ್ಲಿ ದೇರಳಕಟ್ಟೆಯ ಯೆನೆಪೊಯ ತಂಡವು ಉಳ್ಳಾಲದ ಸೋಕರ್ ತಂಡವನ್ನು 1-0 ಗೋಲಿನಿಂದ ಸೋಲಿಸಿ ದಿ.ಅಹ್ಮದ್ ಮಾಸ್ಟರ್ ಸ್ಮಾರಕ ಟ್ರೋಫಿಯನ್ನು ಗಳಿಸಿಕೊಂಡಿತು. ಇನ್ನು ಬಿ ಡಿವಿಜನ್ ಪಂದ್ಯಾವಳಿಯ ಫೈನಲ್‍ನಲ್ಲಿ ಉಳ್ಳಾಲದ ಎಫ್‍ಸಿ ತಂಡವು ಬಜ್ಪೆಯ ಷೂಟರ್ಝ್ ತಂಡವನ್ನು ಸೋಲಿಸಿ ದಿ.ಪಳ್ಳಿ ಜಯರಾಂ ಶೆಟ್ಟಿ ಸ್ಮಾರಕ ಟ್ರೋಫಿಯನ್ನು ಗಳಿಸಿಕೊಂಡಿತು.

ಸಮಾರೋಪ ಕಾರ್ಯಕ್ರಮದಲ್ಲಿ ಮಂಗಳೂರು ವಿಶ್ವವಿದ್ಯಾನಿಲಯದ ಕ್ರೀಡಾ ನಿರ್ದೇಶಕ ಡಾ.ಕಿಶೋರ್ ಕುಮಾರ್ ಸಿ.ಕೆ. ಅತಿಥಿಯಾಗಿ ಭಾಗವಹಿಸಿ ವಿಜೇತ ತಂಡಗಳಿಗೆ ಪ್ರಶಸ್ತಿ ಪ್ರದಾನ ಮಾಡಿದರು. ಬಳಿಕ ಮಾತನಾಡಿದ ಅವರು ಸುಮಾರು 10ಕ್ಕಿಂತಲೂ ಅಧಿಕ ತಂಡಗಳು ಎ ಡಿವಿಜನ್‍ನಲ್ಲಿ ಹಾಗೂ ಅನೇಕ ತಂಡಗಳು ಬಿ ಡಿವಿಜನ್‍ನಲ್ಲಿ ಭಾಗವಹಿಸಿವೆ. 15 ದಿನಗಳಿಂದ ಈ ಪಂದ್ಯಾಟ ನಡೆಯುತ್ತಿದೆ. ಬಹಳಷ್ಟು ಯಶಸ್ವಿಯಾಗಿ ಪಂದ್ಯಾವಳಿಯು ಕೊನೆಗೊಂಡಿದೆ. ಪಾಲ್ಗೊಂಡ ಎಲ್ಲಾ ತಂಡದ ಸ್ಪರ್ಧಿಗಳಿಗೆ ಶುಭ ಹಾರೈಸಿದರು.

ದ.ಕ.ಜಿಲ್ಲಾ ಪುಟ್ಬಾಲ್ ಸಂಸ್ಥೆಯ ಅಧ್ಯಕ್ಷ ಡಿಎಂ ಅಸ್ಲಂ ಅಧ್ಯಕ್ಷತೆ ವಹಿಸಿದ್ದರು. ವೇದಿಕೆಯಲ್ಲಿ ಮಾಜಿ ಅಂತಾರಾಷ್ಟ್ರೀಯ ಗೋಲ್ ಕೀಪರ್ ಶೇಖರ್ ಬಂಗೇರ, ಉದ್ಯಮಿ ಮೋಹನ್ ಬೆಂಗರೆ, ಸಂಸ್ಥೆ ಯ ಉಪಾಧ್ಯಕ್ಷ ಚೇತನ್ ಬೆಂಗರೆ, ರಾಜ್ಯ ಫುಟ್ಬಾಲ್ ಸಂಸ್ಥೆಯ ಸದಸ್ಯ ವಿಜಯ ಸುವರ್ಣ, ಖಜಾಂಚಿ ಅನಿಲ್ ಪಿ.ವಿ, ಜತೆ ಕಾರ್ಯದರ್ಶಿ ಫಿರೋಝ್ ಉಳ್ಳಾಲ್, ಮೊಹಮ್ಮದ್ ಹುಸೈನ್, ರಾಜ್ಯ ಫುಟ್ಬಾಲ್ ತಂಡದ ಕೋಚ್ ಥಾಮಸ್ ಉಪಸ್ಥಿತರಿದ್ದರು.

Related posts

Leave a Reply

Your email address will not be published. Required fields are marked *