Header Ads
Header Ads
Breaking News

ಮಂಜೇಶ್ವರ ಗೋವಿಂದ ಪೈ ರಸ್ತೆಯಿಂದ ಕೆದಂಬಾಡಿ ವರೆಗೆ ಕಳಪೆ ಕಾಮಗಾರಿ : ವಿ4 ನ್ಯೂಸ್‌ನಲ್ಲಿ ಬಿತ್ತರಗೊಂಡ ವರದಿಗೆ ಎಚ್ಚೆತ್ತ ಅಧಿಕಾರಿ

ಮಂಜೇಶ್ವರ: ಮಂಜೇಶ್ವರ ಗೋವಿಂದ ಪೈ ರಸ್ತೆಯಿಂದ ಕೆದಂಬಾಡಿ ಸಂಪರ್ಕಿಸುವ ರಸ್ತೆ ಕಳಪೆ ಕಾಮಗಾರಿಯಿಂದ ಸಂಪೂರ್ಣ ಹದಗೆಟ್ಟು ಹೋಗಿತ್ತು. ಕಾಮಗಾರಿ ನಡೆಸಿ ಆರು ತಿಂಗಳಲ್ಲೇ ರಸ್ತೆಯ ಡಾಮರು ಸಂಪೂರ್ಣ ಕಿತ್ತು ಹೋಗಿತ್ತು. ಈ ಬಗ್ಗೆ ವಿ೪ ನ್ಯೂಸ್ ಸಮಗ್ರ ವರದಿಯನ್ನು ಬಿತ್ತರಿಸಿ ಅಧಿಕಾರಿಗಳನ್ನು ಎಚ್ಚರಿಸುವ ಕೆಲಸವನ್ನು ಮಾಡಿತ್ತು. ಇದೀಗ ಅಧಿಕಾರಿಗಳು ಕಾಮಗಾರಿಯನ್ನು ಪರಿಶೀಲಿಸಿ ಮರು ಡಾಮರೀಕರಣದ ಭರವಸೆಯನ್ನು ನೀಡಿದ್ದಾರೆ.

ಪ್ರಧಾನ ಮಂತ್ರಿಯ ಗ್ರಾಮೀಣ ಸಡಕ್ ಯೋಜನೆಯ ಅನುದಾನದಿಂದ ಮಂಜೇಶ್ವರ ಗೋವಿಂದ ಪೈ ರಸ್ತೆಯಿಂದ ಕೆದಂಬಾಡಿ ಸಂಪರ್ಕಿಸುವ ರಸ್ತೆಯನ್ನು ಡಾಮರೀಕರ ಮಾಡಲಾಗಿತ್ತು. ಆದರೆ ಈ ರಸ್ತೆಗೆ ಕಾಮಗಾರಿ ನಡೆಸಿ ಆರು ತಿಂಗಳಲ್ಲೇ ಸಂಪೂರ್ಣ ಹದಗೆಟ್ಟು ಹೋಗಿತ್ತು. ಈ ಬಗ್ಗೆ ಸ್ಥಳೀಯರು ಹಾಗೂ ವಾಹನ ಚಾಲಕರು ಆಕ್ರೋಶಕ್ಕೆ ಕಾರಣವಾಗಿತ್ತು.

೨೦೧೪ರಲ್ಲಿ ಕಾಮಗಾರಿ ಪೂರ್ಣಗೊಂಡ ಈ ರಸ್ತೆ ತಿಂಗಳಲ್ಲೇ ಹದಗೆಟ್ಟಿತ್ತು. ಆನಂತರ ಊರವರ ಪ್ರತಿಭಟನೆಗೆ ಮಣಿದು ಅಲ್ಪಸ್ವಲ್ಪ ಡಾಮಾರು ಹಾಕಿ ಹೊಂಡವನ್ನು ಮುಚ್ಚಲಾಗಿತ್ತು. ಬಳಿಕ ಪ್ರತೀ ವರುಷವೂ ಹದಗೆಟ್ಟಿರುವ ಸ್ಥಳವನ್ನು ಗುರುತಿಸಿ ಮರುಡಾಮರೀಕರಣ ಮಾಡಬೇಕೆಂಬ ಒಡಂಬಡಿಕೆಯಾಗಿತ್ತು.

ಇದರಂತೆ ೨೦೧೭ರಲ್ಲಿ ಮರು ಡಾಮಾರೀಕರಣವನ್ನು ಗುತ್ತಿಗೆದಾರ ಸರಿಯಾದ ರೀತಿಯಲ್ಲಿ ನಿರ್ವಹಿಸದೇ ಇರುವುದರಿಂದ ಆರು ತಿಂಗಳಿನಲ್ಲಿಯೇ ರಸ್ತೆ ಸಂಪುರ್ಣವಾಗಿ ಹದೆಗೆಟ್ಟಿತ್ತು. ಬಳಿಕ ಈ ಬಗ್ಗೆ ಊರವರ ಹೇಳಿಕೆಯಂತೆ ರಸ್ತೆಯ ಶೋಚನಿಯಾವಸ್ಥೆಯನ್ನು ವಿ೪ ನ್ಯೂಸ್ ವಾಹಿನಿಯಲ್ಲಿ ಸಮಗ್ರವಾದ ಸುದ್ದಿಯೊಂದಿಗೆ ಪ್ರಸಾರ ಮಾಡಲಾಗಿತ್ತು. ಇದಕ್ಕೆ ಸ್ಪಂಧಿಸಿದ ಗುತ್ತಿಗೆದಾರ ಕಾರ್ಮಿಕರೊಂದಿಗೆ ಆಗಮಿಸಿ ತನ್ನ ಕಳಪೆ ಕಾಮಗಾರಿಯನ್ನು ಪ್ರದರ್ಶಿಸುವಾಗ ಊರವರು ಕಾಮಗಾರಿಗೆ ತಡೆಯೊಡ್ಡಿದ್ದಾರೆ. ಕೇವಲ ಜಲ್ಲಿಗಳನ್ನು ಹಾಕಿ ಅದಕ್ಕೆ ಸರಿಯಾದ ಡಾಮಾರೀಕರಣ ಮಾಡದೆ ಅರ್ಧಂಬರ್ಧ ಕೆಲಸ ನಿರ್ವಸುತ್ತಿರುವಾಗ ಊರವರು ತಡೆದಿದ್ದಾರೆ. ಇಂತಹ ಕಳಪೆ ಕಾಮಗಾರಿಯ ಅಗತ್ಯವಿಲ್ಲ. ಹಣವನ್ನೆಲ್ಲಾ ಪಡೆದು ನಾಗರಿಕರನ್ನು ವಂಚಿಸುವುದು ಬೇಡಾ ಎಂದು ಹೇಳಿ ಗುತ್ತಿಗೆದಾರನನ್ನು ಹಾಗೂ ಕೆಲಸದವರನ್ನು ಊರವರು ಹಿಂದಕ್ಕೆ ಕಳುಹಿಸಿದ್ದಾರೆ. ಬಳಿಕ ಸಂಬಂಧಪಟ್ಟ ಅಧಿಕಾರಿಗಳು ಸ್ಥಳಕ್ಕಾಗಮಿಸಿ ಮಾಹಿತಿ ಕಲೆಹಾಕಿ ಸರಿಯಾದ ರೀತಿಯಲ್ಲಿ ಕಾಮಗಾರಿ ನಡೆಸುವ ಬಗ್ಗೆ ಭರವಸೆಯನ್ನು ನೀಡಿದ್ದಾರೆ.

 

 

Related posts

Leave a Reply