Breaking News

ಮಕ್ಕಳಿಗೆ ಶೂ ಭಾಗ್ಯ ಇರುವಾಗ ಚಪ್ಪಲಿ ಕೊಟ್ಟದ್ದೇಕೆ? ಅಜೆಕಾರು ಜನಸ್ಪಂದನದಲ್ಲಿ ಮಂತ್ರಿ ಪ್ರಮೋದ್ ಮಧ್ವರಾಜ್

ಜನಪ್ರತಿನಿಧಿಗಳು, ಅಧಿಕಾರಿಗಳು ಇರುವುದು ಜನರ ಸೇವೆ ಮಾಡಲು. ಹಾಗಾಗಿ ಮುಖ್ಯಮಂತ್ರಿಯ ಸೂಚನೆಯಂತೆ ಜನಸ್ಪಂದನ ಸಭೆಯನ್ನು ನಡೆಸುತ್ತಿದ್ದೇನೆ ಎಂದು ಯುವಸಬಲೀಕರಣ ಮತ್ತು ಕ್ರೀಡಾ ಸಚಿವ ಪ್ರಮೋದ್ ಮಧ್ವರಾಜ್ ಹೇಳಿದರು.
ಅಜೆಕಾರಿನಲ್ಲಿ ನಡೆದ ಅಜೆಕಾರು ಹೋಬಳಿ ಮಟ್ಟದ ಜನಸ್ಪಂದನ ಸಭೆಯನ್ನು ಉದ್ಘಾಟಿಸಿ ಅವರು ಮಾತನಾಡಿದರು. ಸರ್ಕಾರದಲ್ಲಿರುವುದು ನೀವು ತೆರಿಗೆ ಕಟ್ಟಿದ ಹಣ. ಯೋಜನೆಗಳ ಮೂಲಕ ಹಣವನ್ನು ನಮ್ಮ ಮೂಲಕ ನೀವು ಮರಳಿ ಪಡೆಯಬೇಕು’ ಎಂದ ಸಚಿವರು, ಬಿಪಿ‌ಎಲ್ ಕಾರ್ಡು ಇರುವ ಎಲ್ಲರಿಗೂ ಉಚಿತ ವಿದ್ಯುತ್ ಸಂಪರ್ಕ ನೀಡುವಂತೆ ಪಿಡಿ‌ಒಗಳಿಗೆ ಸೂಚಿಸಿದರು. ಮುಖ್ಯಮಂತ್ರಿ ಶಾಲಾ ಮಕ್ಕಳಿಗೆ ಶೂಭಾಗ್ಯ ಯೋಜನೆ ತಂದಿದ್ದಾರೆ. ಕೆಲವೆಡೆ ಶೂ ಬದಲು ಚಪ್ಪಲಿ ನೀಡಿರುವುದು ಬೆಳಕಿಗೆ ಬಂದಿದೆ. ಎಲ್ಲಿಯೂ ಚಪ್ಪಲಿ ಕೊಡಬೇಡಿ, ಅದು ಶೂಭಾಗ್ಯ ಚಪ್ಪಲಿ ಭಾಗ್ಯ ಅಲ್ಲ ಎಂದು ಸಚಿವರು ಕಾರ್ಕಳ ಕ್ಷೇತ್ರ ಶಿಕ್ಷಣಾಧಿಕಾರಿಗೆ ಎಚ್ಚರಿಸಿದರು.
ಜನಸ್ಪಂದನದಲ್ಲಿ ೨೭ ಮಂದಿ ಸಮಸ್ಯೆಗಳ ಅರ್ಜಿ ಸಲ್ಲಿಸಿದ್ದು ಎಲ್ಲಾ ಅರ್ಜಿದಾರರನ್ನು ಸಚಿವರು ಪ್ರತ್ಯೇಕವಾಗಿ ಕರೆದು ವಿಚಾರಣೆ ನಡೆಸಿದರು. ಹೆಚ್ಚಿನ ದೂರುಗಳು ಬಾರ್, ಮದ್ಯದಂಗಡಿ ಸ್ಥಳಾಂತರದ ವಿಚಾರದಲ್ಲಿ ಅಬಕಾರಿ ಇಲಾಖೆ ಮತ್ತು ಮೆಸ್ಕಾಂ ಇಲಾಖೆಗೆ ಸಂಬಂಧಿಸಿದ್ದವು. ಜನಸ್ಪಂದನ ಸಭೆಯಲ್ಲಿ ಬಹುತೇಕ ಸಮಸ್ಯೆಗಳು ಮೆಸ್ಕಾಂ ಬಗ್ಗೆ ಗ್ರಾಮಸ್ಥರು ಹೇಳಿದ್ದರಿಂದ ಸಿಟ್ಟಿಗೆದ್ದ ಸಚಿವರು, ಉಡುಪಿ ಜಿಲ್ಲೆಯಲ್ಲಿ ೨೪ ಗಂಟೆಯೂ ವಿದ್ಯುತ್ ಕೊಡಲು ಪ್ರಯತ್ನಿಸುತ್ತಿದ್ದೇನೆ. ನಿಮಗೆ ಜನರೊಂದಿಗೆ ಸ್ಪಂದಿಸಲು ಏನು ದಾಡಿ ಎಂದು ಪ್ರಶ್ನಿಸಿದರು. ಕಾರ್ಕಳ ತಾಲ್ಲೂಕು ಪಂಚಾಯಿತಿ ಅಧ್ಯಕ್ಷ ಮಾಲಿನಿ ಶೆಟ್ಟಿ ಅಧ್ಯಕ್ಷತೆ ವಹಿಸಿದ್ದರು. ಜಿಲ್ಲಾ ಪಂಚಾಯಿತಿ ಸದಸ್ಯರಾದ ಉದಯ ಕೋಟ್ಯಾನ್, ಜ್ಯೋತಿ ಹರೀಶ ಪೂಜಾರಿ, ಎಪಿ‌ಎಂಸಿ ಅಧ್ಯಕ್ಷ ಮುಟ್ಲುಪಾಡಿ ಸತೀಶ ಶೆಟ್ಟಿ, ಕಂದಾಯ ನಿರೀಕ್ಷಕ ಮಂಜುನಾಥ್ ನಾಯಕ್, ಶಿಕ್ಷಕ ಮುನಿಯಾಲು ಮಾತಿಬೆಟ್ಟು ಪ್ರಕಾಶ ಪೂಜಾರಿ, ತಹಶೀಲ್ಧಾರ್ ಟಿ. ಜೆ. ಗುರುಪ್ರಸಾದ್, ತಾಲ್ಲೂಕು ಪಂಚಾಯಿತಿ ಕಾರ್ಯನಿರ್ವಾಹಣಾಧಿಕಾರಿ ಕೇಶವ ಶೆಟ್ಟಿಗಾರ್ ಇದ್ದರು.

Related posts

Leave a Reply