Header Ads
Breaking News

ಮೂಡುಬಿದಿರೆಯಲ್ಲಿ ಮೆಸ್ಕಾಂ ಜನಸಂಪರ್ಕ ಸಭೆ

ಮೂಡುಬಿದಿರೆ : ಮಂಗಳೂರು ವಿದ್ಯುಚ್ಛಕ್ತಿ ಸರಬರಾಜು ಕಂಪನಿ ನಿಯಮಿತ ಮೂಡುಬಿದಿರೆ ಉಪವಿಭಾಗದ ವತಿಯಿಂದ ಸಮಾಜ ಮಂದಿರದ ಆವರಣದಲ್ಲಿ ಜನಸಂಪರ್ಕ ಸಭೆ ನಡೆಯಿತು.

ರೈತ ಮುಖಂಡ ಆಲ್ವೀನ್ ಮಿನೇಜಸ್ ಜನ ಸಂಪರ್ಕ ಸಭೆಯಲ್ಲಿ ಮಾತನಾಡಿ ವಿದ್ಯುತ್ ಪ್ರತಿಯೊಬ್ಬರಿಗೂ ಬೇಕು. ನಾವು ಎನ್‌ಎಸ್‌ಸಿ, ಸಿಎಎಯಲ್ಲೇ ಕಾಲ ಕಳೆಯುತ್ತಿದ್ದೇವೆ. ಕಳೆದ ತಿಂಗಳಿನಲ್ಲಿ ಸಭೆ ನಡೆಸಲು ಕರ್ಫ್ಯೂ ಅಡಚಣೆಯಾಯಿತು. ಇದೀಗ ನಮ್ಮ ಮೇಲೆ ಅಭಿಮಾನದಿಂದ ಬಂದು ಮಾತನಾಡಿ ಹೋಗುತ್ತೀರಿ. ಇಲಾಖೆ ನಿಮಗೆ ವಾಹನ ನೀಡುತ್ತೆ, ಕಂಬ ನೀಡುತ್ತದೆ ಜೊತೆಗೆ ಅನುದಾನವನ್ನು ನೀಡುತ್ತದೆ ಆದರೆ ನಿಮಗೆ ಅಭಿವೃದ್ಧಿ ಮಾಡಲು ಮತ್ತು ಗುಣಮಟ್ಟದ ಕರೆಂಟ್ ನೀಡಲು ಇನ್ನೂ ಸಾಧ್ಯವಾಗಿಲ್ಲ ಎಂದು ಅವರು ಮೆಸ್ಕಾಂ ಅಧಿಕಾರಿಗಳಿಗೆ ಆರೋಪಿಸಿದರು.

ವೇಣೂರಿನಲ್ಲಿ ಸಬ್‌ಸ್ಟೇಷನ್ ಆದಾಗ ಈ ಕಡೆಗೆ ಜಾಸ್ತಿ ವೋಲ್ಟೇಜ್ ಸಿಗಬಹುದೆಂಬ ನಿರೀಕ್ಷೆ ಇತ್ತು ಆದರೆ ವೊಲ್ಟೇಜ್ ಸಿಕ್ಕಿಲ್ಲ. ಇದೀಗ ಶಿರ್ತಾಡಿಯಲ್ಲಿ ಸಬ್ ಸ್ಟೇಷನ್ ಮಾಡಲು ೨ ತಿಂಗಳಲ್ಲಿ ಎಪ್ರೋಲ್ ಮಾಡಿ ಕಳುಹಿಸಲಾಗುವುದು ಒಂದು ವರ್ಷದಲ್ಲಿ ಸಿದ್ಧಗೊಳ್ಳುತ್ತದೆ ಎಂದು ಮೆಸ್ಕಾಂನ ಅಧೀಕ್ಷಕ ಎಂಜಿನಿಯರ್ ಮಂಜಪ್ಪ ಉತ್ತರಿಸಿದರು.

ಈ ಸಂದರ್ಭ ಮೆಸ್ಕಾಂ ವಿಭಾಗಿಯ ಸಹಾಯಕ ಕಾರ್ಯನಿರ್ವಹಣಾಧಿಕಾರಿ ಸತೀಶ್, ಸಹಾಯಕ ಎಂಜಿನಿಯರ್ ಸಂತೋಷ್, ಮೂಡುಬಿದಿರೆ ಮೆಸ್ಕಾಂ ಇಲಾಖೆಯ ಸಹಾಯಕ ಕಾರ್ಯನಿರ್ವಹಣಾಧಿಕಾರಿ ಗುರುವ ಪಿ, ಬೆಳುವಾಯಿಯ ಮೆಸ್ಕಾಂ ಅಧಿಕಾರಿ ಕ್ಲೆಮೆಂಟ್ ಮತ್ತಿತರರಿದ್ದರು.

Related posts

Leave a Reply

Your email address will not be published. Required fields are marked *