Breaking News

ಮೇ 28ರಂದು ಪಡೀಲ್‌ನಲ್ಲಿ ಕಾಪಿಕಾಡ್ ಭಾಗವತಿಕೆ..ಕೇಳಲು ಮರೆಯದಿರಿ..

ಇದೊಂದು ಹೊಸ ಪ್ರಯೋಗ. ಯಕ್ಷಧ್ರುವ ಪಟ್ಲ ಂಡೇಶನ್ ಟ್ರಸ್ಟ್‌ನ ೨ನೇ ವಾರ್ಷಿಕೋತ್ಸವವು ಮೇ ೨೮ರಂದು ಪಡೀಲ್‌ನಲ್ಲಿರುವ ಸಹ್ಯಾದ್ರಿ ಕಾಲೇಜು ಆವರಣದಲ್ಲಿ ಜರಗಲಿದ್ದು, ಅಂದು ಖ್ಯಾತ ರಂಗಭೂಮಿ ಮತ್ತು ಸಿನಿಮಾ ನಟ ದೇವದಾಸ್ ಕಾಪಿಕಾಡ್ ಅವರು ಭಾಗವತರಾಗಲಿದ್ದಾರೆ. ಜತೆಗೆ ಭೋಜರಾಜ ವಾಮಂಜೂರು, ಅರವಿಂದ ಬೋಳಾರ್, ನವೀನ್ ಡಿ. ಪಡೀಲ್ ಅವರಂತಹ ಖ್ಯಾತ ಕಲಾವಿದರು ಯಕ್ಷಗಾನಕ್ಕಾಗಿ ಬಣ್ಣ ಹಚ್ಚಲಿದ್ದಾರೆ. ಇದು ವಿಶೇಷವಾದರೂ ನಿಜ, ಆಶ್ಚರ್ಯವಾದರೂ ಸತ್ಯ!
ಖ್ಯಾತ ಗಾಯಕರೂ ಆಗಿರುವ ಕಾಪಿಕಾಡ್ ಅವರು ಯಕ್ಷಗಾನದ ಹಾಡನ್ನೂ ಈ ಹಿಂದೆ ಹಾಡಿದ್ದಿದೆ. ದಶಕದ ಹಿಂದೆ ಅವರು ಸ್ಕಿಟ್ ಒಂದರಲ್ಲಿ ಭಾಗವತಿಕೆ ಮಾಡಿದ್ದು ಕ್ಯಾಸೆಟ್ ರೂಪದಲ್ಲಿ ಹೊಸ ಬಂದು ಭಾರೀ ಖ್ಯಾತಿ ಗಳಿಸಿತ್ತು. ಈಗಲೂ ಅವರು ಯಕ್ಷಗಾನದ ಹಾಡು ಹಾಡಲು ಉತ್ಸುಕರಾಗಿದ್ದು, ಅದಕ್ಕೆ ಒಂದು ವೇದಿಕೆ ಒದಗಿಸಿಕೊಟ್ಟದ್ದು ಖ್ಯಾತ ಭಾಗವತ ಸತೀಶ್ ಶೆಟ್ಟಿ ಪಟ್ಲ ಅವರು.
ಆದಿತ್ಯ ಮಂಜರಿ ಎಂದು ಹೆಸರಿಡಲಾದ ಈ ಕಾರ್ಯಕ್ರಮದಲ್ಲಿ ದೇವದಾಸ್ ಕಾಪಿಕಾಡ್ ಅವರೊಂದಿಗೆ ಸತೀಶ್ ಶೆಟ್ಟಿ ಅವರೂ ಹಾಡಲಿದ್ದು, ನವೀನ್ ಡಿ. ಪಡೀಲ್ ಅವರು ಚೊಚ್ಚಲ ಬಾರಿಗೆ ವೇಷ ಹಾಕಲಿದ್ದಾರೆ. ಜತೆಗೆ ಈಗಾಗಲೇ ಯಕ್ಷಗಾನದಲ್ಲಿ ಕೈಯಾಡಿಸಿ ಸೈ ಎನಿಸಿರುವ ಖ್ಯಾತ ಕಲಾವಿದರಾದ ಅರವಿಂದ ಬೋಳಾರ್ ಮತ್ತು ಭೋಜರಾಜ ವಾಮಂಜೂರು ಅವರು ಕೂಡ ಪಾತ್ರ ಮಾಡಲಿದ್ದಾರೆ. ಎಲ್ಲರ ಕುತೂಹಲದ ಕೇಂದ್ರವಾಗಿರುವ ಕಾಪಿಕಾಡ್ ಅವರ ಭಾಗವತಿಕೆ. ಅವರು ಕೆಲವು ನಾಟಕ, ಸಿನಿಮಾಗಳಲ್ಲೂ ಯಕ್ಷಗಾನದ ಹಾಡು ಹಾಡಿದ್ದನ್ನು ತುಳುವರು ಕೇಳಿದ್ದು, ಅದನ್ನು ಪ್ರತ್ಯಕ್ಷವಾಗಿ ಆಸ್ವಾದಿಸುವ ಅವಕಾಶ ಈಗ ಲಭಿಸಲಿದೆ. ಅದೂ ಕೂಡ ಒಂದು ಯಕ್ಷಗಾನ ಪ್ರಸಂಗಕ್ಕಾಗಿಯೇ ಅವರು ಹಾಡಲಿರುವುದು ತುಂಬಾ ನಿರೀಕ್ಷೆ ಮತ್ತು ಕುತೂಹಲ ಮೂಡಿಸಿದೆ.

Related posts

Leave a Reply