Header Ads
Breaking News

ವಾರದ ಹಿಂದೆ ನಾಪತ್ತೆಯಾಗಿದ್ದ ಬಾಲಕ ಸುರಕ್ಷಿತವಾಗಿ ಪತ್ತೆ

ವಾರದ ಹಿಂದೆ ಪುತ್ತೂರಿನ ನೆಹರು ನಗರದಿಂದ ಕಾಣೆಯಾಗಿದ್ದ ಪೈರೊಜ್ ಆಲಿ ಎಂಬ ಒಂಬತ್ತು ವರ್ಷದ ಬಾಲಕ ಹಾಸನದಲ್ಲಿ ಸುರಕ್ಷಿತವಾಗಿ ಪತ್ತೆಯಾಗುವ ಮೂಲಕ ಪ್ರಕರಣವೂ ಸುಖ್ಯಾಂತ್ಯಗೊಂಡಿದೆ. ಬಾಲಕ ಅಕ್ಟೋಬರ್ 9 ರಂದು ಇದಕ್ಕಿದಂತೆ ನಾಪತ್ತೆಯಾಗಿ ಅತಂಕಕ್ಕೆ ಕಾರಣವಾಗಿತ್ತು. ಆತನ ಅಪಹರಣವಾಗಿರಬಹುದು ಎಂಬ ಶಂಕೆಯೂ ಮನೆಯವರಿಂದ ವ್ಯಕ್ತವಾಗಿ ಈ ಬಗ್ಗೆ ಪುತ್ತೂರು ಮಹಿಳಾ ಠಾಣೆಯಲ್ಲಿ ಪ್ರಕರಣವೂ ದಾಖಲಾಗಿತ್ತು. ನೆಹರೂ ನಗರದಲ್ಲಿ ಬಾಡಿಗೆ ಮನೆಯಲ್ಲಿ ವಾಸಿಸುವ, ಈ ಹಿಂದೆ ಹಾಸನದ ಅರಸಿಕೇರೆಯಲ್ಲಿ ವಾಸಿಸುತ್ತಿದ್ದ ಹಸೀನಾ ಕೆ. ಇ ಎಂಬವರ ಪುತ್ರ ಪೈರೋಜ್‍ಗೆ ಮತ್ತೆ ಅರಸಿಕೇರೆಯ ನೆನಪು ಮರುಕಲಿಸಿ ಮನೆಯಲ್ಲಿ ಹೇಳದೆ ಹೊರಟ್ಟಿದ್ದ ಎನ್ಬಲಾಗುತ್ತಿದೆ. ಹಾಸನ ತಲುಪಿದ ಬಾಲಕ ಅಲ್ಲಿಂದ ಅರಸಿಕೆರೆಗೆ ಹೋಗಲು ದಾರಿ ಕಾಣದೇ ಒದ್ದಾಟ ನಡೆಸುತ್ತಿರುವಾಗ ಮಕ್ಕಳ ರಕ್ಷಣೆಯ ಹೊತ್ತಿರುವ ಚೈಲ್ಡ್ ಲೈನ್‍ನ ಸಿಬ್ಬಂದಿಗಳಿಗೆ ಸಿಕ್ಕಿದ್ದು ಅವರು ಅತನನ್ನು ಹಾಸನದ ಬಾಲ ಮಂದಿರಕ್ಕೆ ಆಶ್ರಯ ನೀಡಿದ್ದರು.ಬಳಿಕ ಅಲ್ಲಿನ ಸಿಡಿಪಿಒ ಬಾಲಕನಲ್ಲಿ ಅತನ ವಿಳಾಸ ವಿಚಾರಿಸಿ, ಅವನು ನೀಡಿದ ಮಾಹಿತಿಯಂತೆ ಪುತ್ತೂರಿನ ಮಹಿಳಾ ಠಾಣೆಗೆ ತಿಳಿಸಿದ್ದಾರೆ.

Related posts

Leave a Reply

Your email address will not be published. Required fields are marked *