Header Ads
Header Ads
Header Ads
Header Ads
Header Ads
Header Ads
Header Ads
Header Ads
Breaking News

ವಿಟ್ಲ ಭಾಗದಲ್ಲಿ ಭಾರೀ ಮಳೆ ಕನ್ಯಾನದ ಕೆಳಗಿನ ಪೇಟೆಯ ರಸ್ತೆಯಲ್ಲಿ ನಿಂತ ನೀರು ವಾಹನ ಸವಾರರ ಪರದಾಟ

ವಿಟ್ಲ: ವಿಟ್ಲ ಭಾಗದಲ್ಲಿ ಸುರಿದ ಬಾರೀ ಮಳೆಗೆ ಕನ್ಯಾನ ಗ್ರಾಮದ ಕೆಳಗಿನಪೇಟೆ ಎಂಬಲ್ಲಿ ರಸ್ತೆಯಲ್ಲಿ ನೀರು ನಿಂತ ಪರಿಣಾಮ ವಾಹನ ಚಾಲಕರು ಪರದಾಡಿದರು.ನಿನ್ನೆ ರಾತ್ರಿಯಿಂದಲೆ ನಿರಂತರವಾಗಿ ಮಳೆ ಸುರಿಯುತ್ತಿತ್ತು. ಕನ್ಯಾನ ಗ್ರಾಮದ ಕೆಳಗಿನಪೇಟೆ-ಶಿರಂಕಲ್ಲು ರಸ್ತೆಯಲ್ಲಿ ಮಳೆ ನೀರು ಸರಿಯಾಗಿ ಹರಿದು ಹೋಗಲು ಚರಂಡಿ ವ್ಯವಸ್ಥೆ ಇಲ್ಲವಾಗಿದ್ದರಿಂದ ರಸ್ತೆಯಲ್ಲಿಯೇ ನೀರು ನಿಂತಿದೆ. ಇದರಿಂದ ಆಟೋ ರಿಕ್ಷಾ, ದ್ವಿಚಕ್ರ ಮೊದಲಾದ ವಾಹನಗಳು ಸಂಚರಿಸಲು ಅದರ ಚಾಲಕರು ಹರಸಾಹಸಪಡುವಂತಾಗಿದೆ.

ಈ ರಸ್ತೆಯೂ ಕೆಳಗಿನಪೇಟೆಯಿಂದ ಶಿರಂಕಲ್ಲು, ಪೆರುವಾಯಿ, ಮಾಣಿಲ ಕ್ಷೇತ್ರವನ್ನು ಸಂಪರ್ಕ ಕಲ್ಪಿಸುತ್ತದೆ. ಪ್ರತಿನಿತ್ಯ ಸಾವಿರಾರು ಸಂಚಾರ ಮಡುತ್ತಿದ್ದಾರೆ. ಅದಲ್ಲದೇ ಶ್ರೀಧಾಮ ಮಾಣಿಲ, ಶ್ರೀ ಒಡಿಯೂರು ಹಾಗೂ ಕಣಿಯೂರು ಕ್ಷೇತ್ರವನ್ನು ಸಂಪರ್ಕಿಸಲು ಈ ರಸ್ತೆ ಹೆಚ್ಚು ಉಪಯೋಗವಾಗುತ್ತಿದೆ. ಮಳೆ ಬಂದರೆ ಸಾಕು ಪ್ರತಿಸಲವೂ ಇದೇ ರೀತಿಯ ಪರಿಸ್ಥಿತಿ ನಿರ್ಮಾಣಗೊಳ್ಳುತ್ತದೆ. ಈ ಬಾರಿಯ ಪ್ರತಿಯೊಂದು ಬಾರೀ ಮಳೆಗೆ ಇದೇ ರೀತಿಯ ಪರಿಸ್ಥಿತಿ ಎದುರಾಗಿದೆ.

ಈ ಬಗ್ಗೆ ಕನ್ಯಾನ ಗ್ರಾಮ ಪಂಚಾಯತ್ ಗಮನಕ್ಕೆ ತಂದರೂ ಕೇವಲ ಆರೈಕೆಯ ಉತ್ತರಗಳನ್ನು ಮಾತ್ರ ನೀಡುತ್ತಿದ್ದಾರೆ ಹೊರತು ಯಾವುದೇ ಕಾಮಗಾರಿ ನಡೆಸುತ್ತಿಲ್ಲ ಎಂಬುದು ಗ್ರಾಮಸ್ಥರ ಆರೋಪವಾಗಿದೆ.

ವರದಿ: ಮಹಮ್ಮದ್ ಆಲಿ ವಿಟ್ಲ

Related posts

Leave a Reply