Header Ads
Header Ads
Breaking News

54 ವರ್ಷ ಪೂರೈಸಿದ ಕೊಡೆತ್ತೂರು ಹುಲಿ

ಕಟೀಲು :ಕೊಡೆತ್ತೂರು ಹುಲಿಗೆ ೫೪ ವರ್ಷ ಸಂದಿದೆ, ಆದರೆ ಇದು ಮರಿ ಇಡುವ ಹುಲಿಯಲ್ಲ ನವರಾತ್ರಿ ಹುಲಿ ತುಳುನಾಡಿನ ಧಾರ್ಮಿಕ ನಂಬಿಕೆಗಳಲ್ಲಿಹುಲಿ ವೇಷ ಪ್ರಧಾನವಾಗಿರುವ ನವರಾತ್ರಿ ಮೆರವಣಿಗೆ ಈ ಬಗ್ಗೆ ಒಂದು ವರದಿ ಇಲ್ಲಿದೆ ನೋಡಿ. ಹುಲಿವೇಷ ಬರೀ ಕಲೆ ಅಷ್ಟೇ ಅಲ್ಲ. ಕರಾವಳಿಗರ ಜೀವಾಳ. ಅದು ಕೇವಲ ಕಲೆಯಾಗಿ ಉಳಿದುಕೊಂಡಿರದೆ, ಸೇವೇಯ ರೂಪವನ್ನೂ ಪಡೆದಿದೆ. ದಕ್ಷಿಣ ಕನ್ನಡದ ಪ್ರಸಿದ್ಧ ದಾರ್ಮಿಕ ಕೇಂಧ್ರ ಕಟೀಲಿನಲ್ಲಿ ಕಳೆದ 53ವರ್ಷಗಳಿಂದ ನವರಾತ್ರಿ ಮೆರವಣಿಗೆ ನಡೆದು ಕೊಂಡು ಬರುತ್ತಿದೆ ಅದುವೇ ಕೊಡೆತ್ತೂರು ನವರಾತ್ರಿ ಮೆರವಣಿಗೆ ಕೊಡೆತ್ತೂರ್ದ ಪಿಲಿ ಎಂದೇ ಪ್ರಖ್ಯಾತಿಯನ್ನು ಪಡೆದಿದೆ , ಕೊಡೆತ್ತೂರು ನವರಾತ್ರಿ ಮೆರವಣಿಗೆಗೆ ಈ ವರ್ಷ 54ರ ಸಂಭ್ರಮ ಕಂಡಿದೆ, 53ವರ್ಷಗಳಿಂದ ನಿರಂತರ ನಡೆದ ಈ ಹುಲಿವೇಷ ಮೆರವಣಿಗೆ ಈ ಬಾರಿಯೂ ಬಹಳ ವಿಜ್ರಂಭಣೆಯಿಂದ ಆಚರಣೆಯಾಗಿದೆ, ದಕ್ಷಿಣ ಕನ್ನಡದ ಪ್ರಸಿದ್ಧ ದಾರ್ಮಿಕ ಶಕ್ತಿ ಕೇಂಧ್ರ ಕಟೀಲು ದೇವಳಕ್ಕೆ ಸಂಬಂಧ ಪಟ್ಟ ಊರೊಂದು ನಡೆಸಿಕೊಂಡು ಬರುತ್ತಿರುವ ಈ ಆಚರಣೆ ನಮ್ಮನಿಮ್ಮೆಲ್ಲರ ಚಿತ್ತ ಕದಿಯುವಂತದ್ದು ನವರಾತ್ರಿ ಸಂದರ್ಭ ಕೆಲವರು ವೇಷ ಹಾಕಿ ಮನೆಮನೆಗೆ ತಿರುಗಾಟ ನಡೆಸುವುದು ಸಾಮಾನ್ಯ. ಆದರೆ ಕಟೀಲಿನಲ್ಲಿ ಇನ್ನೊಂದು ಸಂಪ್ರದಾಯವಿದೆ9ದಿನ ನಡೆಯುವ ನವರಾತ್ರಿ ಉತ್ಸವದಲ್ಲಿ ಕಟೀಲು, ಎಕ್ಕಾರು ಮತ್ತು ಕೊಡೆತ್ತೂರಿನಿಂದ, ಹುಲಿ ವೇಷ ಮೆರವಣಿಗೆಗಳು ನಡೆಯುತ್ತದೆ, ಅದರಲ್ಲಿ ಲಲಿತ ಪಂಚಮಿ ದಿನ ನಡೆಯುದೇ ಕೊಡೆತ್ತೂರು ನವರಾತ್ರಿ ಮೆರವಣಿಗೆ. ಕೊಡೆತ್ತೂರಿನಲ್ಲಿ ಹುಲಿ ವೇಷ ಮೆರವಣಿಗೆ ಕಲೆಗೆ ಮಾತ್ರ ಸೀಮಿತವಾಗಿಲ್ಲ , ಸಂಕಟ ನಿವಾರಣೆಗೆ ಹರಕೆ ರೂಪವನ್ನು ಪಡೆದುಕೊಂಡಿದೆ. ಅಂದರೆ ಇಲ್ಲಿ ಹರಕೆ ಹೊತ್ತು ಹುಲಿ ವೇಷವನ್ನು ಹಾಕುವವರೂ ಇದ್ದಾರೆ. ಕೊಡೆತ್ತೂರು ಮೆರವಣಿಗೆ ಆರಂಭವಾಗುದು ಕೊಡೆತ್ತೂರಿನ ಮೂಡುಮನೆಯಿಂದ ೪೩ ವರ್ಷಗಳ ಹಿಂದೆ ಊರ ಹಿರಿಯರ ಮುಂದಾಳತ್ವದಲ್ಲಿ ಕೊಡೆತ್ತೂರು ಮೂಡುಮನೆ ಅಂಗಳದಲ್ಲಿ ಹರಕೆ ಸೇವೆ ಪ್ರಾರಂಭವಾಗಿದ್ದು, ಈ ಮೂಡು ಮನೆ ಲಲಿತಾ ಪಂಚಮಿಯಂದು ದೇವಸ್ಥಾನದ ಮಹತ್ವ ಪಡೆಯುತ್ತದೆ. ರಾತ್ರಿ 8 ಗಂಟೆಗೆ ಗಣಪತಿ ಸ್ವಸ್ತಿಯನ್ನಿಟ್ಟು, ಊರಸಮಸ್ತರು ಪ್ರಾರ್ಥನೆ ನೆರವೇರಿಸಿ, ಹುಲಿವೇಷದ ಪರಿಕರಗಳಿಗೆ ಪೂಜೆ ಸಲ್ಲಿಸುತ್ತಾರೆ. ಬಳಿಕ ಆ ಮುಖವಾಡಗಳನ್ನು ವೇಷಧಾರಿಗಳಿಗೆ ವಿತರಿಸಲಾಗುತ್ತದೆ. ನಂತರ ವೇಷಧಾರಿಗಳು ಅದನ್ನು ದರಿಸಿ ಕೈ ಮುಗಿದು ಮನೆಯಿಂದ ಹಿಮ್ಮುಖವಾಗಿ ಚಲಿಸುತ್ತಾ ಮನೆಯಿಂದ ಹೊರ ಬಂದು ಮೊದಲ ಪ್ರದರ್ಶನ ನೀಡುತ್ತಾರೆ. ನಂತರ ಇಲ್ಲಿಂದ ಕಟೀಲು ದೇವಳದವರೆಗೆ ಮೆರವಣಿಗೆ ಸಾಗುತ್ತದೆ. ಮೆರವಣಿಗೆಯಲ್ಲಿ ಮುಖ್ಯವಾಗಿ ಹುಲಿವೇಷವಿದ್ದರೆ, ಅಕ್ಕಪಕ್ಕ ಇನ್ನು ಕೆಲ ವೇಷಗಳು ಸಾಥ್ ನೀಡುತ್ತದೆ. ನಿನ್ನೆ ಮೆರವಣಿಗೆಯಲ್ಲಿ ಡೊಳ್ಳುಕುಣಿತ, ಕೀಲಿಕುದುರೆ, ಯಕ್ಷಗಾನದ ವೇಷ, ನಾನಾ ಸ್ತಬ್ಧ ಚಿತ್ರಗಳು ಮೆರವಣಿಗೆಗೆ ಕಳೆ ನೀಡಿದವು ಮೂಡುಮನೆಯಿಂದ ಪ್ರಾರಂಭವಾಗಿ ಕಟೀಲಿನಲ್ಲಿ ಸಮಾಪ್ತಿದ ಈ ಮೆರವಣಿಗೆಯಲ್ಲಿ. ದಾರಿಯುದ್ದಕ್ಕೂ ಯುವಕರ ದಂಡು ಹಾಡುತ್ತಾ ಕುಣಿಯುತ್ತಾ, ಸಾಗಿದರು, ಕೆಲ ಹುಲಿಗಳು ತೆರೆದ ವಾಹನದಲ್ಲಿ ತಮ್ಮ ಝಲಕ್ ತೋರಿದರೆ ಇನ್ನುಕೆಲ ಹುಲಿಗಳು ದಾರಿಯುದ್ದಕ್ಕೂ ಸಾಹಸ ಪ್ರದರ್ಶನ ಮಾಡಿದರೆ, ಅದರ ನಡುವೆ ಕಾಲಿಗೆ ಕೋಲು ಕಟ್ಟಿ ನಡೆವ ಹುಲಿಗಳು ವಿಶೇಷವಾಗಿ ಜನಾಕರ್ಷಣೆಗೆ ಪಾತ್ರರಾದವು, ವಿವಿಧ ಸ್ತಬ್ದ ಚಿತ್ರಗಳು ಜನರ ಮನಸೆಳೆದವು. ಎಲ್ಲಾ ಕಲೆಗಳು ಕೊನೆಯದಾಗಿ ಪ್ರದರ್ಶನ ನೀಡುದು ಕಟೀಲು ದೇವಳದಲ್ಲಿ ಹಾಕಿದ ವೇದಿಕೆಯಲ್ಲಿ ನಂತರ ಎಲ್ಲಾ ವೇಷದಾರಿಗಳು ಮತ್ತು ಊರವರು ಶ್ರೀ ದೇವಿಯ ದೇವಸ್ಥಾನದ ಮುಖ್ಯದ್ವಾರದ ಬಳಿ ಜಮಾಯಿಸುತ್ತಾರೆ. ಅಲ್ಲಿ ದೇವತಾ ತೀರ್ಥದೊಂದಿಗೆ ಆಗಮಿಸುವ ಆಸ್ರಣ್ಣರು, ತೀರ್ಥ ಪ್ರೋಕ್ಷಣೆ ಮಾಡಿ ಆ ವರ್ಷದ ಲಲಿತಾಪಂಚಮಿಯ ಮೆರವಣಿಗೆ ಸೇವೆಯನ್ನು ಸಮಾಫ್ತಿಗೊಳಿಸುತ್ತಾರೆ. ಇದೇ ವೇಳೆ ಭಕ್ತರಿಗೆ ಪ್ರಸಾದವನ್ನು ವಿತರಿಸಲಾಗುತ್ತದೆ. ನವರಾತ್ರಿ ಮೆರವಣಿ ಎಂಬುದು ಕಟ್ಟುಕಟ್ಟಳೆಯಲ್ಲ ಇದರ ಹಿಂದೆ ದಾರ್ಮಿಕ ನಂಭಿಕೆ ಇದೆ. ಹುಲಿವೇಷವನ್ನು ಹರಕೆಗಾಗಿ ತೊಟ್ಟು, ಕುಣಿದು, ದೇವರ ಮುಂದೆ ಸೇವೆ ನೀಡಿ, ನಾವು ಮತ್ತಷ್ಡು ಉದ್ಧಾರ ವಾಗಿದೇವೆ. ಊರಿನ ಅಭಿವೃದ್ಧಿಯಾಗಿದೆ ಎಂಬ ನಂಬಿಕೆ ಇದೆ. ಇಲ್ಲಿ ಹುಲಿವೇಷ ಧರಿಸಲು ಜಾತಿಮತಗಳ ಅಡೆತಡೆ ಇಲ್ಲ. ವಯಸ್ಸಿನ ಮಿತಿಯಿಲ್ಲ. ದೇವರಿಗೆ ಹರಕೆ ಕೊಡಬೇಕು. ಸೇವೆ ಮಾಡಬೇಕು ಎಂಬ ಮನೋಭಾವ ಒಂದೇ ಸಾಕು.

Related posts

Leave a Reply