Header Ads
Header Ads
Breaking News

ಕಾರ್ಕಳ ಪುರಸಭೆ ವ್ಯಾಪ್ತಿಯಲ್ಲಿ ತ್ಯಾಜ್ಯ ರಾಶಿ : ಜಾಗೃತಿ ಮೂಡಿಸಿದರೂ ಎಚ್ಚೆತ್ತಕೊಳ್ಳದ ಜನತೆ

ಸ್ವಚ್ಛತಾ ಅಭಿಯಾನ ಜಾಗೃತಿ ಅರಿವಿನ ಕಾರ್ಯಕ್ರಮಗಳು ನಡೆಯುತ್ತಿದ್ದರು ಕಾರ್ಕಳ ಪುರಸಭೆಯಲಿ ಕಸ ಎಲ್ಲಿಂದರಲ್ಲಿ ಎಸೆಯುವವರ ಸಂಖ್ಯೆ ಕಡಿಮೆಯಾಗಿಲ್ಲ. ಬೆಳಗಿನ ಹೊತ್ತು ಕಸವಿಲೇವಾರಿ ಮಾಡುವ ವಾಹನಗಳು ಸ್ವಚ್ಛತೆಯ ಬಗ್ಗೆ ಬೊಬ್ಬೆ ಹಾಕಿಕೊಂಡು ಇದೇ ದಾರಿಯಲ್ಲಿ ಹತ್ತಾರು ಬಾರಿ ಸಂಚರಿಸುವಾಗ ಇಲ್ಲಿ ಸುಮಾರು ಆರು ತಿಂಗಳಿಂದ ಬಿದ್ದಿರುವ ಕಸದ ರಾಶಿ ಕಸ ವಿಲೇವಾರಿ ಮಾಡುವ ಸಿಬ್ಬಂದಿಗಳಿಗೆ ಗೋಚರಿಸದೆ ಇರುವುದು ತುಂಬಾ ಆಶ್ಚರ್ಯದ ವಿಚಾರವಾಗಿದೆ.

ಇದು ಸಾಲ್ಮರದ ಜಾಮಿಯಾ ಮಸೀದಿಯ ವಾಣಿಜ್ಯ ಸಂಕೀರ್ಣದ ಬಳಿ ಬಿದ್ದಿರುವ ಕಸದ ರಾಶಿಯಾಗಿರುತ್ತದೆ. ಈ ದಾರಿಯಲ್ಲಿ ಹೋಗುವವರು ಹಾಗೂ ಮಸೀದಿಗೆ ಬರುವವರು ಮೂಗು ಮುಚ್ಚಿಕೊಂಡು ನಡೆದಾಡುವ ಪರಿಸ್ಥಿತಿ ಉಂಟಾಗಿದೆ. ಮಳೆಗಾಲ ಪ್ರಾರಂಭ ಗೊಂಡಿರುವುದರಿಂದ ಈ ತ್ಯಾಜ್ಯದಲ್ಲಿ ಸೊಳ್ಳೆ ಉತ್ಪಾದನಾ ಕೇಂದ್ರವಾಗಿ ಮಾರ್ಪಟ್ಟಿದೆ. ಈಗಾಗಲೇ ಮಲೇರಿಯಾ ಹಾಗೂ ಡೆಂಗ್ಯೂಜ್ವರ ಪ್ರಾರಂಭವಾಗಿದೆ. ಈ ಸಮಸ್ಯೆ ಬಗ್ಗೆ ಪುರಸಭೆ ಅಧಿಕಾರಿ ಪರಿಸರ ಅಭಿಯಂತರ ಗಮನಕ್ಕೂ ತಂದರು ನಮಗೂ ಈ ಸಮಸ್ಯೆಗೂ ಯಾವುದೇ ಸಂಬಂಧವಿಲ್ಲ ಎಂಬಂತೆ ವರ್ತಿಸುತ್ತಾರೆ. ಪುರಸಭೆಯ ವ್ಯಾಪ್ತಿಯಲ್ಲಿ ಅಲ್ಲಲ್ಲಿ ರಾಶಿ ಬಿದ್ದಿದ್ದರೂ ಪುರಸಭೆ ಕಸವಿಲೇವಾರಿ ಮಾಡುವಲ್ಲಿ ಎಡವಿದೆ ಎಂದರೆ ತಪ್ಪಾಗಲಾರದು.

Related posts

Leave a Reply

Your email address will not be published. Required fields are marked *