Header Ads
Breaking News

ಕುಂಜತ್ತೂರು ಜಿ.ವಿ.ಎಚ್. ಎಸ್.ಎಸ್ ಶಾಲೆಯಲ್ಲಿ ಕಲಿಕೋತ್ಸವ-2020

ಮಂಜೇಶ್ವರ: ಸರ್ಕಾರಿ ವಿದ್ಯಾಲಯಗಳ ಶೈಕ್ಷಣಿಕ ಹಿರಿಮೆಗಳನ್ನು ಸಮಾಜಕ್ಕೆ ಪರಿಚಯಿಸುವುದು ಮತ್ತು ಪ್ರತಿ ಮಗುವಿಗೆ ತನ್ನ ವಿಶೇಷ ಸಾಮರ್ಥ್ಯವನ್ನು ಪ್ರದರ್ಶಿಸಲು ಅವಕಾಶವನ್ನು ಕಲ್ಪಿಸುವ ಮೂಲಕ ಇಂದು ಶಾಲೆಗಳಲ್ಲಿ ನಡೆಸಲ್ಪಡುವ ವೈವಿಧ್ಯಪೂರ್ಣವಾದ ಕಲಿಕಾ ರೀತಿಗಳು ಹಾಗು ಕಲಿಕಾ ತಂತ್ರಗಳ ಹಿರಿಮೆಯ ಬಗ್ಗೆ ಸಮಾಜಕ್ಕೆ ಅರಿವನ್ನು ಮೂಡಿಸುವ ನಿಟ್ಟಿನಲ್ಲಿ “ಸಮಗ್ರ ಶಿಕ್ಷಾ ಕೇರಳ’ ವು ‘ಪಠನೋತ್ಸವ’ ಎನ್ನುವ ವಿಶಿಷ್ಟವಾದ ಕಾರ್ಯಕ್ರಮವನ್ನು ರಾಜ್ಯಾದ್ಯಂತ ಹಮ್ಮಿಕೊಂಡಿದೆ.

ಇದರಂಗವಾಗಿ ಮಂಜೇಶ್ವರ ಬಿ.ಆರ್. ಸಿ. ಯ ಸಹಯೋಗದಲ್ಲಿ ಜಿ.ವಿ.ಎಚ್. ಎಸ್.ಎಸ್. ಕುಂಜತ್ತೂರಿನಲ್ಲಿ 5 ನೇ ತರಗತಿಯಿಂದ 9 ನೇ ತರಗತಿಯವರೆಗಿನ ವಿದ್ಯಾರ್ಥಿಗಳು ತಮ್ಮ ಕಲಿಕಾ ಚಟುವಟಿಕೆಗಳ ಮೂಲಕ ತಮಗಾದ ಕಲಿಕಾ ಅನುಭವಗಳನ್ನು ಹೆತ್ತವರ ಉಪಸ್ಥಿತಿಯಲ್ಲಿ ಪ್ರದರ್ಶಿಸುವ ಸದುದ್ದೇಶದಿಂದ ಕಲಿಕೋತ್ಸವ-2020″ ನ್ನು ಆಯೋಜಿಸಲಾಗಿತ್ತು. ಕಾರ್ಯಕ್ರಮದ ಉದ್ಘಾಟನೆಯನ್ನು ಶಾಲಾಭಿವೃದ್ಧಿ ಸಮಿತಿ ಯ ಸದಸ್ಯರಾದ ಈಶ್ವರ ಎಂ ರವರು ನೆರವೇರಿಸಿದರು.ಕಾರ್ಯಕ್ರಮದಲ್ಲಿ ಪ್ರಾಂಶುಪಾಲರಾದ ಶಿಶುಪಾಲನ್, ಎಂ.ಪಿ.ಟಿ.ಎ ಯ ಅಧ್ಯಕ್ಷೆ ಮೋಹಿನಿ, ಶಿಕ್ಷಕಿ ಅನಿತಾ ಪಿ ಜಿ, ಹಾಗು ಶಿಕ್ಷಕ ಸಂಘ ದ ಕಾರ್ಯದರ್ಶಿ ಅಶ್ರಫ್ ಜಿ, ಹಿರಿಯ ಶಿಕ್ಷಕಿ ಕನಕಮ್, ಶಾಲಾ ಸಂಪನ್ಮೂಲ ಸಮಿತಿಯ ಸಂಚಾಲಕಿ ಶೈಲಜಾ ವಿ.ಆರ್ ಮೊದಲಾದವರು ಉಪಸ್ಥಿತರಿದ್ದರು. ಶಿಕ್ಷಕಿ ಕವಿತಾ ಕೂಡ್ಲು ರವರು ಕಾರ್ಯಕ್ರಮ ನಿರೂಪಿಸಿ ಅಧ್ಯಾಪಕ ರವೀಂದ್ರ ರೈ ಯವರು ವಂದಿಸಿದರು.

Related posts

Leave a Reply

Your email address will not be published. Required fields are marked *