Header Ads
Breaking News

ರಿಯಾಲಿಟಿ ಶೋ ಗೆದ್ದ ಶೈನ್ ಶೆಟ್ಟಿ ಮತ್ತು ರಾಕೇಶ್ ಪೂಜಾರಿ : ಸೆಲೆಬ್ರೆಟಿಗಳ ಹಿಂದೆ ಕೊರಗಜ್ಜನ ಆಶೀರ್ವಾದ

ಕನ್ನಡ ವಾಹಿನಿಗಳ ರಿಯಾಲಿಟಿ ಶೋ ನಲ್ಲಿ ಕರಾವಳಿಯ ಪ್ರತಿಭೆಗಳು ಮಿಂಚ್ತಾ ಇದ್ದಾರೆ. `ಕಾಮಿಡಿ ಕಿಲಾಡಿ’ ಗೆದ್ದ ಉಡುಪಿಯ ರಾಕೇಶ್ ಪೂಜಾರಿ ಮತ್ತು `ಬಿಗ್ ಬಾಸ್’ ಶೋ ಗೆದ್ದ ಉಡುಪಿಯ ಶೈನ್ ಶೆಟ್ಟಿಯ ಸಕ್ಸಸ್ ಸೀಕ್ರೇಟ್ ಗೊತ್ತಾ? ಪ್ರತಿಭೆಯ ಜೊತೆ ಇವರ ಗೆಲುವಿಗೆ ಕಾರಣವಾಗಿದ್ದು ಒಂದು ದೈವದ ಲೀಲೆ. ಯಾವುದು ಆ ದೈವ? ಏನಿದು ಪವಾಡ? ಈ ಸ್ಟೋರಿ ನೋಡಿ

ರಿಯಾಲಿಟಿ ಶೋ ವಿನ್ನರ್ ಗಳ ರಿಯಲ್ ಸೀಕ್ರೇಟ್ ಗೊತ್ತಾ? ಇತ್ತೀಚೆಗೆ ಎರಡು ಜನಪ್ರಿಯ ರಿಯಾಲಿಟಿ ಶೋನಲ್ಲಿ ಉಡುಪಿ ಮೂಲದ ಪ್ರತಿಭೆಗಳು ವಿನ್ನರ್ ಆಗಿ ಹೊರಹೊಮ್ಮಿದ್ದಾರೆ. ಖಾಸಗಿ ವಾಹಿನಿಯೊಂದರಲ್ಲಿ ಬರುವ ಜನಪ್ರಿಯ ಶೋ ಕಾಮಿಡಿ ಕಿಲಾಡಿಗಳು ಎಂಬ ರಿಯಾಲಿಟಿ ಶೋ ನಲ್ಲಿ ಉಡುಪಿ ಹೂಡೆಯ ರಾಕೇಶ್ ಪೂಜಾರಿ ಗೆದ್ದಿದ್ದಾರೆ. ಇನ್ನು ಜನಪ್ರಿಯ ಬಿಗ್ ಬಾಸ್ ನಲ್ಲೂ ಕುಂದಾಪುರ ಮೂಲದ ಶೈನ್ ಶೆಟ್ಟಿ ಶೈನ್ ಆಗಿದ್ದಾರೆ. ಇವರಿಬ್ಬರ ಗೆಲುವಿಗೂ ಕಾರಣವಾಗಿದ್ದು ಒಂದು ಕಾಮನ್ ಫ್ಯಾಕ್ಟರ್. ಅದೇನ್ ಗೊತ್ತಾ? ಕೊರಗಜ್ಜನ ಆಶೀರ್ವಾದ. ಹೌದು, ಇವರಿಬ್ಬರೂ ಕರಾವಳಿಯ ಕಾರಣಿಕದ ದೈವ ಕೊರಗಜ್ಜನ ಮಹಾನ್ ಭಕ್ತರು. ಕೊರಗಜ್ಜನಿಗೆ ಹೊತ್ತ ಹರಕೆಯಿಂದಲೇ ನಾವು ಗೆದ್ದಿದ್ದೇವೆ. ನಮ್ಮ ಗೆಲುವಿನ ಹಿಂದೆ ಕೊರಗಜ್ಜನ ಆಶೀರ್ವಾದ ಇದೆ ಎಂದು ಒಪ್ಪಿಕೊಂಡಿದ್ದಾರೆ.

ಕಾಮಿಡಿ ಶೋನಲ್ಲಿ ಗೆದ್ದ ಕಿಲಾಡಿ ರಾಕೇಶ್ ತವರಿಗೆ ಬಂದವರೇ ಕೊರಂಗ್ರಪಾಡಿಯ ಕೊರಗಜ್ಜನ ಸನ್ನಿಧಾನಕ್ಕೆ ಬಂದು ಹರಕೆ ತೀರಿಸಿದ್ದಾರೆ. ಬಬ್ಬುಸ್ವಾಮಿ ದೈವಾಲಯದ ಆವರಣದಲ್ಲಿರುವ ಕೊರಗಜ್ಜ ಸನ್ನಿಧಾನಕ್ಕೆ ಬಂದು ಪೂಜೆ ಮಾಡಿಸಿದ್ದಾರೆ. ಕೊರಗಜ್ಜನಿಗೆ ಪ್ರೀತಿಯ ವೀಳ್ಯದೆಲೆ, ಚಕ್ಕುಲಿ ಮತ್ತು ಒಂದು ಬಾಟಲಿ ಮದ್ಯ ಕೊಟ್ಟು ಕೈ ಮುಗಿದಿದ್ದಾರೆ.ನೀವು ಇನ್ನೇನೂ ಕೊಡೊದೇ ಬೇಕಾಗಿಲ್ಲ. ಇಷ್ಟು ಕೊಟ್ಟರೆ ಸಾಕು ಕೊರಗಜ್ಜ ಸಂತುಷ್ಟನಾಗಿ ಬಿಡ್ತಾರೆ. ಇನ್ನು ಬಿಗ್ ಬಾಸ್ ಗೆದ್ದ ಶೈನ್ ಶೆಟ್ಟಿ ಮಂಗಳೂರಿನ ಮಾದುಕೊಡಿ ಕೊರಗಜ್ಜ ನ ಸನ್ನಿಧಾನಕ್ಕೆ ಹೋಗಿ ಪೂಜೆ ಮಾಡಿ ಬಂದಿದ್ದಾರೆ. ಅವರೂ ಕೂಡಾ ತನ್ನ ಗೆಲುವನ್ನು ಕೊರಗಜ್ಜನಿಗೇ ಅರ್ಪಿಸಿದ್ದಾರೆ. ಉಡುಪಿಯ ಕೊರಂಗ್ರಪಾಡಿಯ ಈ ಕೊರಗಜ್ಜ ಸನ್ನಿಧಾನ ಅನೇಕ ಸೆಲೆಬ್ರಟಿಗಳಿಗೆ ಅದೃಷ್ಟದ ಬಾಗಿಲು ತೆರೆದಿದೆ. ಈ ಹಿಂದೆ ಸಿಂಪಲ್ ಹೀರೋ ರಕ್ಷಿತ್ ಶೆಟ್ಟಿ, ವೃಷಬ್ ಶೆಟ್ಟಿ ಕೂಡಾ ಇದೇ ಸನ್ನಿಧಾನಕ್ಕೆ ಬಂದು ಶರಣೆಂದಿದ್ದನ್ನು ನಾವಿಲ್ಲಿ ಸ್ಮರಿಸಬಹುದು.

ಕೊರಗಜ್ಜನ ಲೀಲೆಗಳು ಒಂದೆರಡಲ್ಲ, ನಿಮ್ಮಲ್ಲಿ ಪ್ರತಿಭೆ ಇದ್ದು ದೈವಾನುಗ್ರಹ ಕಡಿಮೆ ಇದ್ದರೆ ಕೊರಗಜ್ಜ ಕೈಬಿಡೋದಿಲ್ಲ. ಮನೆಯಜ್ಜನಷ್ಟೇ ಪ್ರೀತಿಯಿಂದ ನಂಬಿ ಬಂದವರ ಕೈಹಿಡಿದು ನಡೆಸ್ತಾರೆ ಅನ್ನೋದು ಸುಳ್ಳಲ್ಲ. ಇದು ರಿಯಾಲಿಟಿ ಶೋನ ನಿಜವಾದ ರಿಯಾಲಿಟಿ!

 

Related posts

Leave a Reply

Your email address will not be published. Required fields are marked *