Header Ads
Header Ads
Breaking News

ವೆಂಕಟರಮಣ ದೇವಾಲಯ ಅಂಗಣದಲ್ಲಿ ಓಕುಳಿ ಸಂಭ್ರಮ : ಸಂಭ್ರಮಿಸಿದ ಯುವಕ ಯುವತಿಯರು

ಇತಿಹಾಸ ಪ್ರಸಿದ್ಧ ಮಂಗಳೂರಿನ ರಥಬೀದಿಯ ವೆಂಕಟರಮಣ ದೇವಸ್ಥಾನ ಮುಂಭಾಗ ಇವತ್ತು ಕಲರ್ ಫುಲ್ ಆಗಿತ್ತು. ಐದು ದಿವಸಗಳ ಕಾಲ ನಡೆದ ಉತ್ಸವಕ್ಕೆ ಬಣ್ಣದ ಮೆರುಗು ಬಂದಿತ್ತು. ದೇವರ ಅವಭೃತಕ್ಕೂ ಮುನ್ನಾ ನಡೆದ ಬಣ್ಣದೋಕುಳಿ ಹಬ್ಬದ ವಾತಾವರಣ ಮೂಡಿಸಿತ್ತು. ಹಾಗಿದ್ರೆ ಹೇಗಿತ್ತು ವೆಂಕಟರಮಣ ದೇವಾಲಯ ಅಂಗಣದಲ್ಲಿ ನಡೆದ ಬಣ್ಣದೋಕುಳಿ ಸಂಭ್ರಮ ಅನ್ನೋದಕ್ಕೆ ಈ ಸ್ಟೋರಿ ನೋಡಿ

ಒಂದೆಡೆ ಎಲ್ಲೆಂದೆರಲ್ಲಿ ಬಣ್ಣ ಹಚ್ಚಿ ಸಂಭ್ರಮಿಸೊ ಯುವಕ ಯುವತಿಯರು, ಇನ್ನೊಂದೆಡೆ ನೀರಿನಲ್ಲಿ ಆಟವಾಡುತ್ತಾ ಖುಷಿಪಡುವ ಮಕ್ಕಳು, ಇದೆಲ್ಲದರ ಮದ್ಯೆ ಕಾಣಸಿಗುವ ವೆಂಕಟರಮಣ ದೇವರ ಭಕ್ತರು.. ಈ ಎಲ್ಲಾ ದೃಶ್ಯ ಕಂಡಿದ್ದು ಮಂಗಳೂರಿನ ರಥಬೀದಿಯಲ್ಲಿ. ಕಳೆದ ಐದು ದಿವಸಗಳಿಂದ ಇಲ್ಲಿ ನೆಲೆಯಾಗಿರುವ ವೆಂಕಟರಮಣ ದೇವರಿಗೆ ಉತ್ಸವ ನಡೆದು ಇಂದು ಕೊನೆಯ ದಿನ. ದೇವರ ಅವಭೃತದ ಮೂಲಕ ಉತ್ಸವ ಸಂಪನ್ನಗೊಳ್ಳುವ ದಿನ. ಈ ದಿನವನ್ನು ಇನ್ನಷ್ಟು ಕಲರ್ ಫುಲ್ ಆಗಿಸಲು ಭಕ್ತರು ಬಣ್ಣ ಎರಚಿಕೊಂಡು ಓಕುಳಿಯಾಟ ಆಡಿದರು. ಸಂಜೆ ವೇಳೆಗೆ ಶ್ರೀನಿವಾಸ ಪಾಠಶಾಲೆಯಲ್ಲಿ ದೇವರ ಓಕುಳಿಯಾಟ ನಡೆದು ಜಳಕ ನಡೆಸುವ ಸಂಪ್ರಯಾದ ಇದೆ. ಅದಕ್ಕೂ ಮುನ್ನ ನಡೆಯುವ ಓಕುಳಿ ಸಂಭ್ರಮ ಇಡೀ ರಥಬೀದಿಯಲ್ಲಿ ಕಲರ್ಫುಲ್ ಮೆರುಗು ತಂದಿತ್ತು.ಈ ಬಾರಿ ಡಿಜೆ ಸಂಗೀತಕ್ಕೆ ನಿಷೇಧ ಇದ್ದಿದ್ದರಿಂದ ಜನ ಬಣ್ಣ ಎರಚುತ್ತಾ ಕೇರಳದ ಚೆಂಡೆಗೆ ಕುಣಿದಾಡಿದರು. ವಯಸ್ಕರು, ಮಕ್ಕಳೆನ್ನುವ ಭೇದವಿಲ್ಲದೆ ಎಲ್ಲಾ ಜಾತಿ ಧರ್ಮದವರೂ ಕೂಡಿ ಸಂಭ್ರಮಿಸಿದರು. ಬಣ್ಣ ಬಣ್ಣದ ಓಕುಳಿ ಮೂಲಕ ನೆರೆದವರೆಲ್ಲರೂ ಉತ್ಸವವನ್ನು ಸಂಭ್ರಮಿಸಿದರು. ಯುವಕ ಯುವತಿಯರಂತೂ ತಮ್ಮ ಸ್ನೇಹಿತರ ಜೊತೆಗೂಡಿ ಬಂದು ಬಣ್ಣದೋಕುಳಿಯನ್ನು ಸಂಭ್ರಮಿಸಿದರು.ಒಟ್ಟಿನಲ್ಲಿ ವೆಂಕಟರಮಣ ದೇವಾಲಯದ ರಥಬೀದಿ ಇಂದು ಕಲರ್ ಫುಲ್ ಆಗಿತ್ತು. ಸಾವಿರಾರು ಮಂದಿ ಬಣ್ಣ ಎರಚುತ್ತಾ ಸಂಭ್ರಮಿಸಿದರು. ಈ ಬಾರಿ ಡಿಜೆ ಸಂಗೀತಕ್ಕೆ ಅವಕಾಶ ಇಲ್ಲದಿದ್ದರೂ ಓಕುಳಿಯಲ್ಲಿ ಪಾಲ್ಗೊಳ್ಳುವವರ ಉತ್ಸಾಹ ಮಾತ್ರ ಕಡಿಮೆಯಾಗಿರಲಿಲ್ಲ..

Related posts

Leave a Reply