Header Ads
Header Ads
Breaking News

ಸುಳ್ಯದಲ್ಲಿ ತಾಲೂಕು ಮಟ್ಟದ ಮೆಸ್ಕಾಂ ಜನ ಸಂಪರ್ಕ ಸಭೆ

ಮುಂದಿನ ಜನ ಸಂಪರ್ಕ ಸಭೆಯ ಒಳಗಾಗಿ ತಾಲೂಕಿನಲ್ಲಿರುವ ವಿದ್ಯುತ್ ಸಮಸ್ಯೆಗಳಿಗೆ ಅಧಿಕಾರಿಗಳು ಪರಿಹಾರ ಕಂಡುಕೊಳ್ಳಬೇಕು. ಸಭೆಗಳಲ್ಲಿ ಬಂದು ಸಮಸ್ಯೆಯ ಬಗ್ಗೆ ಪ್ರಸ್ತಾಪವಾಗುವ ಮೊದಲು ಸಮಸ್ಯೆಗಳನ್ನು ವಿಲೇವಾರಿ ಮಾಡಿಕೊಳ್ಳಬೇಕು ಎಂದು ಸುಳ್ಯ ಶಾಸಕ ಎಸ್. ಅಂಗಾರ ಮೆಸ್ಕಾಂ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ.ಸುಳ್ಯ ತಾಲೂಕು ಪಂಚಾಯತ್ ಸಭಾಂಗಣದಲ್ಲಿ ನಡೆದ ಸುಳ್ಯ ಹಾಗೂ ಸುಬ್ರಹ್ಮಣ್ಯ ಉಪ ವಿಭಾಗಗಳ ತಾಲೂಕು ಮಟ್ಟದ ಮೆಸ್ಕಾಂ ಜನ ಸಂಪರ್ಕ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ಜಾಲ್ಸೂರಿನಲ್ಲಿ ವಿದ್ಯುತ್ ಸಬ್‍ಸ್ಟೇಷನ್ ವಿಳಂಬವಾಗುತ್ತಿದೆ. 2015ರಲ್ಲಿ ಅನುಮೋದನೆ ಗೊಂಡರು ಇನ್ನೂ ಸಬ್ ಸ್ಟೇಷನ್ ಆರಂಭವಾಗಿಲ್ಲ ಎಂದು ಪದ್ಮನಾಭ ಭಟ್ ಒತ್ತಾಯಿಸಿದರು. ಇದಕ್ಕೆ ವಿರೋಧ ವ್ಯಕ್ತ ಪಡಿಸಿದ ಸುಭೋದ್ ಶೆಟ್ಟಿ ಮೇನಾಲ ಮತ್ತು ಹರೀಶ್ ರೈ ಉಬರಡ್ಕ, ಅಜ್ಜಾವರ, ಉಬರಡ್ಕ ಗ್ರಾಮಗಳನ್ನು ಜಾಲ್ಸೂರು ವ್ಯಾಪ್ತಿಗೆ ಸೇರಿಸುವುದಕ್ಕೆ ನಮ್ಮ ವಿರೋಧ ಇದೆ. ನಮ್ಮ ಗ್ರಾಮಗಳನ್ನು ಸುಳ್ಯ ಸಬ್ ಸ್ಟೇಷನ್‍ನಲ್ಲೇ ಉಳಿಸಿ. ಜಾಲ್ಸೂರು ಉಪ ವಿಭಾಗಕ್ಕೆ ಸೇರಿಸುವುದು ಬೇಡ ಎಂದು ಹೇಳಿದರು. ಈ ಸಂದರ್ಭದಲ್ಲಿ ಮಧ್ಯ ಪ್ರವೇಶಿಸಿದ ಶಾಸಕ ಅಂಗಾರ ಮೆಸ್ಕಾಂ ಅಧಿಕಾರಿಗಳು ಜನರ ಮತ್ತು ಜನಪ್ರತಿನಿಧಿಗಳ ಅಭಿಪ್ರಾಯ ತೆಗೆದುಕೊಳ್ಳದೇ ಸಬ್ ಸ್ಟೇಷನ್ ವ್ಯಾಪ್ತಿಗೆ ಗ್ರಾಮಗಳನ್ನು ಸೇರಿಸಿಕೊಳ್ಳುವ ಪರಿಣಾಮ ಸಮಸ್ಯೆ ಆಗಿದೆ. ಸಮಸ್ಯೆಗಳನ್ನು ಗೊಂದಲ ಮಾಡುವುದೇ ಅಧಿಕಾರಿಗಳು. ಇದರಿಂದ ಸಭೆಗಳಲ್ಲಿ ಗೊಂದಲಕಗಕೆ ಕಾರಣವಾಗುತ್ತದೆ. ಅಧಿಕಾರಿಗಳು ಇಂತಹ ನಿರ್ಧಾರಗಳು ಜನಪ್ರತಿನಿಧಿಗ:ಳನ್ನು ಇಕ್ಕಟ್ಟಿಗೆ ಸಿಲುಕುವಂತೆ ಮಾಡುತ್ತದೆ ಎಂದು ಅಧಿಕಾರಿಗಳನ್ನು ತೀವ್ರ ತರಾಟೆಗೆ ತೆಗೆದುಕೊಂಡರು.

ಸಭೆಯಲ್ಲಿ ತಾಲೂಕು ಪಂಚಾಯತ್ ಅಧ್ಯಕ್ಷ ಚನಿಯ ಕಲ್ತಡ್ಕ, ಪುತ್ತೂರು ಮೆಸ್ಕಾಂ ವಿಭಾಗೀಯ ಇಂಜಿನಿಯರ್ ನರಸಿಂಹ, ಸುಳ್ಯ ಮೆಸ್ಕಾಂ ವಿಭಾಗದ ಎ.ಇ.ಇ ಹರೀಶ್ ನಾಯ್ಕ, ಜಾಲ್ಸೂರು ವಿಭಾಗದ ಪ್ರಸಾದ್ ಮೊದಲಾದವರು ಉಪಸ್ಥಿತರಿದ್ದರು.

Related posts

Leave a Reply

Your email address will not be published. Required fields are marked *