Header Ads
Header Ads
Breaking News

ಸುಳ್ಯ ತಾಲೂಕು ಪಂಚಾಯತ್ ಸಾಮಾನ್ಯ ಸಭೆ

ಸಾಲಮನ್ನಾದಲ್ಲಿನ ಗೊಂದಲಗಳನ್ನು ನಿವಾರಿಸಿ ಅರ್ಹರಿಗೆ ಸಾಲಮನ್ನಾ ಹಣ ಸಿಗುವಂತೆ ಮಾಡಲು ಗಡುವು ವಿಧಿಸಲಾಗಿದ್ದು ಈ ತಿಂಗಳ ಅಂತ್ಯದೊಳಗೆ ಸಮಸ್ಯೆ ಸರಿಪಡಿಸಿ ಪರಿಹಾರ ನೀಡಬೇಕು ಎಂದು ತಾಲೂಕು ಪಂಚಾಯತ್ ಅಧ್ಯಕ್ಷ ಚನಿಯ ಕಲ್ತಡ್ಕ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ.

ಸಭೆಯಲ್ಲಿ ವಿಷಯ ಪ್ರಸ್ತಾಪಿಸಿದ ಸದಸ್ಯ ರಾಧಾಕೃಷ್ಣ ಬೊಳ್ಳೂರು ರೈತರ ಸಾಲಮನ್ನಾ ವಿಚಾರದಲ್ಲಿ ರೈತರಿಗೆ ಅನ್ಯಾಯ ಆಗಿದೆ. ಈ ಬಗ್ಗೆ ಸರಿಯಾದ ಉತ್ತರ ನೀಡಬೇಕು. ಇದು ರೈತರ ಜೀವನದ ಪ್ರಶ್ನೆ. ಇದಕ್ಕಾಗಿ ಆಯುಕ್ತರಲ್ಲಿಗೆ ಹೋಗಿ ಈ ಬಗ್ಗೆ ಚರ್ಚಿಸಿ ತಂತ್ರಾಂಶಗಳ ಬದಲಾವಣೆಗೆ ಆಗ್ರಹಿಸಿದ್ದೇನೆ. ಒಂದು ತಿಂಗಳ ಒಳಗೆ ಸರಿ ಮಾಡದಿದ್ದರೆ ನಮ್ಮದೇ ದಾರಿಯ ಮೂಲಕ ಹೋರಾಟ ಮಾಡಲಾಗುವುದು ಎಂದು ಎಚ್ಚರಿಸಿದರು.

ಇದಕ್ಕೆ ಉತ್ತರಿಸಿದ ಪುತ್ತೂರು ವಿಭಾಗದ ಜಂಟಿ ಉಪ ನಿಬಂಧಕ ಮಂಜುನಾಥ್ ಸಿಂಗ್ ಸಾಲಮನ್ನಾ ಹಣ ರೈತರಿಗೆ ಸಿಗುತ್ತದೆ. ಈ ನಿಟ್ಟಿನಲ್ಲಿ ಕೆಲಸ ನಡೆಯುತ್ತಿದೆ. ನಮ್ಮ ಕಡೆಯಿಂದ ತಪ್ಪು ಆಗಿಲ್ಲ. ನಾವು ರೈತರ ಪರವಾಗಿ ಕೆಲಸ ಮಾಡುತ್ತಿದ್ದೇವೆ. ಒಂದು ತಿಂಗಳ ಒಳಗೆ ಆದ್ಯತೆಯ ಮೇರೆಗೆ ಸಾಲಮನ್ನಾ ಸಮಸ್ಯೆಯನ್ನು ಸರಿಮಾಡಿಕೊಡಲಾಗುವುದು ಎಂದ್ರು.

ಸುಳ್ಯ ತಾಲೂಕಿನ ವಿವಿಧ ಕಡೆಗಳಲ್ಲಿ 10 ಅಂಬೇಡ್ಕರ್ ಭವನಕ್ಕೆ ಸ್ಥಳ ಮಂಜೂರಾತಿಯ ಬಗ್ಗೆ ಸುದೀರ್ಘ ಚರ್ಚೆ ನಡೆಯಿತು. ಅಂಬೇಡ್ಕರ್ ಭವನಕ್ಕೆ ಗುರುತಿಸಿದ ಜಮೀನುಗಳ ಕಡತಗಳನ್ನು ಸಹಾಯಕ ಕಮೀಷನರ್ ಕಚೇರಿಗೆ ಕಳುಹಿಸಲಾಗಿದೆ. ಮತ್ತು ಅರಣ್ಯ ಇಲಾಖೆಯವರಿಗೆ ಪತ್ರ ಬರೆಯಲಾಗಿದೆ ಎಂದು ಕಡಬ ಕಂದಾಯ ನಿರೀಕ್ಷಕ ಅವಿನ್ ರಂಗತ್‌ಮಲೆ ಹೇಳಿದರು.

ಇನ್ನು ಸಾಮಾನ್ಯ ಸಭೆಗಳನ್ನು ನಡೆಸುವುವ ಬಗ್ಗೆ ಕೆಲವು ತಪ್ಪುಗಳಾಗಿವೆ. ಮುಂದಿನ ದಿನಗಳಲ್ಲಿ ಇದನ್ನು ಸರಿಮಾಡಲಾಗುವುದು ಪ್ರತಿ ತಿಂಗಳ 6 ರ ಒಳಗೆ ಸಾಮನ್ಯ ಸಭೆಗಳನ್ನು ನಡೆಸಲಾಗುವುದು ಎಂದು ತಾ.ಪಂ ಅಧ್ಯಕ್ಷ ಚನಿಯ ಕಲ್ತಡ್ಕ ಹೇಳಿದರು.

ಸಭೆಯಲ್ಲಿ ತಾ.ಪಂ ಉಪಾದ್ಯಕ್ಷೆ ಶುಭದಾ ಎಸ್. ರೈ, ಸ್ಥಾಯಿ ಸಮಿತಿ ಅಧ್ಯಕ್ಷೆ ಜಾಹ್ನವೀ ಕಾಂಚೋಡು, ಮುಖ್ಯ ಕಾರ್ಯನಿರ್ವಾಹಣಾಧಕಾರಿ ಎನ್. ಭವಾನಿಶಂಕರ್, ತಾಲೂಕು ಪಂಚಾಯತ್ ಸದಸ್ಯರು, ತಾಲೂಕು ಮಟ್ಟದ ಅಧಿಕಾರಿಗಳು ಉಪಸ್ಥಿತರಿದ್ದರು.

 

Related posts

Leave a Reply

Your email address will not be published. Required fields are marked *