Header Ads
Breaking News

ಹೆಜಮಾಡಿಯಲ್ಲಿ ಅವೈಜ್ಞಾನಿಕ ಸರ್ವಿಸ್ ರಸ್ತೆ ಸರಿಪಡಿಸಲು ಅಧಿಕಾರಿಗಳಿಂದ ಸೂಚನೆ : ಇದು ವಿ4 ನ್ಯೂಸ್ ವರದಿ ಫಲಶೃತಿ

ಹೆಜಮಾಡಿಯಲ್ಲಿ ನಿರ್ಮಾಣ ಹಂತದಲ್ಲಿದ್ದ ಸರ್ವಿಸ್ ರಸ್ತೆಯ ವಿರುದ್ಧ ಸಾರ್ವಜನಿಕರು ಆಕ್ಷೇಪ ವ್ಯಕ್ತ ಪಡಿಸಿದ ಸುದ್ಧಿ, ಮೇ.22ರಂದ್ದು ವಿ4 ನ್ಯೂಸ್‍ನಲ್ಲಿ ವರದಿ ಪ್ರಕಟಕೊಂಡಿದ್ದು, ಈ ವರದಿಗೆ ಸ್ಪಂಧಿಸಿದ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ, ತಕ್ಷಣ ಈ ಸಮಸ್ಯೆಯಾಗದ ರೀತಿಯಲ್ಲಿ ಕಾಮಗಾರಿ ನಡೆಸುವಂತೆ ಗುತ್ತಿಗೆದಾರರಿಗೆ ಸೂಚನೆ ನೀಡಿದ್ದಾರೆ. 

ಹೆಜಮಾಡಿ ಪೊಲೀಸ್ ವಾಹನ ತಪಾಸನ ಕೇಂದ್ರದ ಸಮೀಪ ನೂತನ ಪೆಟ್ರೋಲ್ ಬಂಕ್ ನಿರ್ಮಾಣವಾಗುತ್ತಿದ್ದು, ಅದಕ್ಕಾಗಿ ಸರ್ವಿಸ್ ರಸ್ತೆಯೂ ನಿರ್ಮಾಣ ಹಂತದಲ್ಲಿದೆ. ಈ ಸರ್ವಿಸ್ ರಸ್ತೆ ಹೆದ್ದಾರಿಗೆ ಸಂಧಿಸುವ ಸ್ಥಳ ತಿರುವು ಭಾಗವಾಗಿದ್ದರಿಂದ ಅಪಘಾತಗಳು ಸಂಭವಿಸುವ ಸಾಧ್ಯತೆ ಇದ್ದು, ಈ ಬಗ್ಗೆ ಆಕ್ಷೇಪ ವ್ಯಕ್ತ ಪಡಿಸಿದ ಸಾರ್ವಜನಿಕರು ಹೆಜಮಾಡಿ ಗ್ರಾ.ಪಂ.ಗೆ ಮಾಹಿತಿ ನೀಡಿದ್ದಾರೆ, ತಕ್ಷಣ ಸ್ಥಳಕ್ಕೆ ಆಗಮಿಸಿದ ಗ್ರಾ.ಪಂ. ಉಪಾಧ್ಯಕ್ಷ ಸುಧಾಕರ್ ಕರ್ಕೇರ ಪರಿಶೀಲಿಸಿ ಇಂಥಹ ಅವೈಜ್ಞಾನಿಕ ಕಾಮಗಾರಿಗೆ ಗ್ರಾ.ಪಂ.ಸಹಕಾರ ನೀಡುವುದಿಲ್ಲ ಎಂಬುದಾಗಿ ವಿರೋಧಿಸಿದ ಬಗ್ಗೆ ವಿ4 ನ್ಯೂಸ್ ವರದಿ ಪ್ರಕಟಿಸಿತ್ತು. ಈ ವರದಿಗೆ ಸ್ಪಂಧಿಸಿದ ಬಂಕ್ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ ಹೆದ್ದಾರಿ ಇಲಾಖೆ ನೀಡಿದ ನಕಾಶೆ ಇದಾಗಿದ್ದು, ಆದರೆ ಅಪಘಾತಗಳು ಸಂಭವಿಸುವ ಸಾಧ್ಯತೆ ಇದ್ದ ಕಾರಣ ಮೂಲ ನಕಾಶೆ ಬದಲಿಸಿ ಸಮಸ್ಯೆಯಾಗದಂತೆ, ರಸ್ತೆ ಕಾಮಗಾರಿ ಮುಂದುವರಿಸುವಂತೆ ಗುತ್ತಿಗೆದಾರರಿಗೆ ಸೂಚನೆ ನೀಡಿದ್ದಾರೆ. ವರದಿ ಪ್ರಕಟಿಸಿ ಸಮಸ್ಯೆ ನೀಗಿಸಿದ ವಿ4 ನ್ಯೂಸ್ ಬಳಗಕ್ಕೆ ಸಾರ್ವಜನಿಕರು ಕೃತಜ್ಞತೆ ಸಲ್ಲಿಸಿದ್ದಾರೆ.

Related posts

Leave a Reply

Your email address will not be published. Required fields are marked *